ՆԱՏՕ-ի և ԱՄՆ փորձագետները կայցելեն Ադրբեջան

ՆԱՏՕ-ի և ԱՄՆ փորձագետները նոյեմբերի 5-ից 11-ը Ադրբեջանում ռազմակրթական ոլորտի զարգացման նպատակով կայցելեն Ադրբեջան: Այդ մասին հայտնել են Ադրբեջանի ՊՆ մամլո ծառայությունից: Այցի ընթացքում փորձագետները կհանդիպեն Ադրբեջանի ՊՆ, ռազմական ակադեմիայի և ռազմական ոլորտի այլ գերատեսչությունների ներկայացուցիչների հետ, այնուհետև ՆԱՏՕ-ի փորձագետները կմշակեն Ադրբեջանի հետ ռազմակրթության բնագավառում համագործակցության պլան:
Ադրբեջանի ՊՆ-ից նաև հայտնել են, որ երկրի ԶՈՒ-երը կմասնակցեն ՆԱՏՕ-ի մի շարք զորավարժությունների. մասնավորապես նոյեմբերի 5-ից 12-ը Ադրբեջանի ԶՈՒ-երը Բաքվում կմասնակցեն ՆԱՏՕ-ի միասնական հրամանատարության «Բրյունս» կուրսերին, 12-ից 23-ը՝ Նիդերլանդներում կայանալիք՝ ՆԱՏՕ-ի բաց շտաբային հրամանատարության կուրսերին, 12-ից 16-ը Ադրբեջանի ԶՈՒ-երը Շթութգարթում (Գերմանիա ) կմասնակցեն «Միացյալ ջանք-2013» («Combined Endevor 2013») գիտաժողովի նախապատրաստական կուրսերին:
Նույն ժամանակահատվածում Բաքվում կկայանա զանգվածային ոչնչացման զենքի տարածման կանխման հարցերով՝ Ադրբեջանի և Չեխիայի ռազմական փորձագետների հանդիպումը:
Բացի դա՝ նոյեմբերի 12-ից 16-ը Դրեզդենում (Գերմանիա) կանցկացվի ՆԱՏՕ-ի թիկունքի կառույցների ներկայացուցիչների հանդիպումը, «Սևծովյան ուժերի ռոտացիա-2013» գիտաժողովի պատրաստական աշխատանքները քննարկելու նպատակով նոյեմբերի 2-ից 7-ը Սոֆիայում (Բուլղարիա) տեղի կունանա ԱՄՆ և Ադրբեջանի զինվորականանների հանդիպումը:
Ադրբեջանի զինծառայողները նոյեմբերի 5-ից 15-ը որպես դիտորդ կմասնակցեն Իզմիրում (Թուրքիա) կայանալիք «NUSRET-12» զորավարժություննեին, իսկ նոյեմբերի 4-ից 22-ը՝ Դոխում (Քաթար) կմասնկացեն «Գիշատիչ բազե-3» պարապմունքներին:
Աղբյուր՝ http://www.newsazerbaijan.ru/security/20121031/298058794.html