2013-ին Թուրքիայի ռազմական բյուջեն կարող է գերազանցել 11 մլրդ դոլարը

2013 թվականին Թուրքիայի ռազմական բյուջեն կկազմի 20,3 միլիարդ լիր (11,2 մլրդ դոլար) 11,8 տոկոսով գերազանցելով ընթացիկ տարվա բյուջեն: Այդ մասին հայտնում է Lenta.ru-ն՝ հղում կատարելով Jane’s հանդեսին:
Անվտանգության գլխավոր վարչության ծախսերը 2013-ին կավելանան 12,1-14,7 մլրդ (6,70-8,14 մլրդ դոլար) , առափնյա անվտանգության համար կատարվող ծախսերը՝ 375,9-432 մլն (208,2-239,3 մլն դոլար) լիրով:
Հետախուզության ծախսերը 2013 թվականին Թուրքիայում կավելանան 750,9-995,5 մլն (416,01-551,5 մլն դոլար) լիրով:
Միաժամանակ նախատեսվում է 16,3 տոկոսով (45,3 մլրդ լիր՝ 25,1 մլրդ դոլար) ավելացնել ժանդարմերիայի, ՆԳՆ-ի և ուժային այլ կառույցների բյուջեն:
Ուժային կառույցների համար նախատեսված բյուջեի աճը, ըստ Jane’s-ի, պայմանավորված է Քրդական բանվորական կուսակցության մարտիկների դեմ պայքարելու անհրաժեշտությամբ: Բացի դա՝ վերջին շրջանում հարաբերությունները Թուրքիայի և հարևան Սիրիայի միջև բավական լարված են:
Ավելի վաղ հաղորդվել էր, որ Թուրքիան մտադիր է 4 մլրդ դոլար հատկացնել զենիթահրթիռային համակարգերի գնման համար:
Աղբյուր՝ http://lenta.ru/news/2012/10/30/budget/