Այսօր՝ նոյեմբերի 17-ին, Թուրքիայի պաշտպանության նախարար Ֆիքրի Ըշըքը հայտարարել է, որ ռազմական հեղաշրջման փորձից հետո ընդհանուր առմամբ երկրի զինված ուժերից հեռացվել է մոտ 20,088 մարդ: Այս մասին հայտնում է թուրքական պետական «Անադոլու» գործակալությունը:
Համաձայն պաշտպանության նախարարի՝ հեռացվածներից 16,423-ը կազմում են ռազմական հաստատությունների կուրսանտները , իսկ 3,665-ը ԶՈւ անձնակազմից են:
Գեն. | Սպա | Ենթ. | Շրք. | |
Ցամաք. | 87 | 1184 | 446 | 539 |
ՌԾՈւ | 31 | 194 | 125 | 8 |
ՌՕՈւ | 32 | 566 | 173 | * |
Ընդհ. | 150 | 1944 | 744 | 547 |
* Նախարարը չի նշել ռազմաօդային ուժերից հեռացված շարքայինների / քաղաքացիականների թիվը, որը կարող է հասնել մինչև 280 հոգու:
Բացի այդ ևս ԶՈւ անձնակազմից ևս 2855-ի հարցաքննման գործընթացները դեռևս շարունակվում են:
Նշենք, որ ռազմական հեղաշրջման փորձից հետո հետաքննության արդյունքում երկրի զինված ուժերից հեռացված զինծառայողների պակասը լրացնելու համար նախատեսվում է մոտ 30000 նոր անձնակազմ ընդունել զինված ուժեր:
Պլանավորվում է նաև 200 պայմանագրային սպա և 500 պայմանագրային ենթասպա ընդունել երկրի ԶՈւ հատուկ նշանակության գործողությունների հրամանատարություն՝ «բոսորագույն բերետավորների» (Bordo Bereliler) ստորաբաժանումներ:
Նշենք նաև, որ նոյեմբերի 2-ից Թուրքիայի ոստիկանությունը սկսել է 10 հազար հատուկջոկատայինների ընդունման գործընթացը։ Դիմելու իրավունք ունեն 28 տարին լրացած Թուրքիայի քաղաքացիները:
Հիշեցնենք, որ հուլիսի 15-16-ին Թուրքիայում եղել է ռազմական հեղաշրջման փորձ, որից հետո ձերբակալվել են Թուրքիայի զինված ուժերի մի շարք զինծառայողներ: Հեղաշրջման փորձին մասնակցելու, այն ղեկավարելու մեղադրանքով հուլիսի 22-ի դրությամբ կալանավորվել է Թուրքիայի ԶՈւ 119 գեներալ և ծովակալ:
Pingback: Լևոն Հովսեփյան. Թուրքիայի ղեկավարությունը զինուժը «համալրում է վստահելի տարրերով» | Ռազմ.info
Pingback: Թուրքիայում հեռացվել է ևս 10 հազար զինծառայող և ոստիկան | Ռազմ.info
Pingback: Թուրքիայում ռազմական օդաչուների պակասը լրացվելու է ռեզերվային օդաչուներով | Ռազմ.info
Pingback: Թուրքիայի զինված ուժերից մինչև այժմ հեռացվել է շուրջ 22000 մարդ | Ռազմ.info
Pingback: Թուրքիայի օդուժը ընդունում է նախկինում հեռացված սպաների, այդ թվում՝ քաղավիացիայից | Ռազմ.info
Pingback: Հունաստանը հրաժարվել է արտահանձնել թուրք զինծառայողներին Թուրքիային | Ռազմ.info