ՌԴ Չելյաբինսկի մարզում Սու-24 է վթարվել

ՌԴ Չելյաբինսկի մարզից 67 կմ հեռու՝ Էտկուլի շրջանում, այսօր ժամը 13:25-ի սահմաններում ուսումնական պլանային թռիչքի ժամանակ Սու-24 ռմբակոծիչ է վթարվել: Ռմբակոծիչում զինմթերք չի եղել: Զոհեր և ավերածություններ չկան: Ռմբակոծիչի երկու օդաչուներն էլ ողջ են մնացել:
Այդ մասին հայտնում է ՌԻԱ Նովոստին՝ հղում կատարելով մարզային ուժային կառույցներին:
ՌԴ ՊՆ-ն հաստատել է այդ տեղեկությունը:
Դեպքի վայր որոնողափրկարարական ուժեր և ՌԴ ՊՆ հանձնաժողով է մեկնել:
Սու-24-երի վերջին վթարը գրանցվել է 2012 թվականի փետրվարին Չելյաբինսկից 95 կմ հեռու՝ ՌԴ Կուրգանի մարզում:
Այդ ժամանակ հաղորդվել էր, որ ռմբոկոծիչի վթարի պատճառը շարժիչներից մեկի չաշխատելն էր: Սակայն հոկտեմբերին պարզվեց, որ ռմբակոծիչի պայթյունի ու վթարի գործով երկու ավագ սպա է որպես մեղադրյալ ներգրավվել: Նրանց մեղադրում են թռիչքի կաննոները խախտելու համար:
Միջադեպից հետո ՌԴ ՌՕՈՒ ժամանակավորապես դադարեցրել էին Սու-24-երի թռիչքները և վերսկսել դրանք մեկ ամիս անց:
Հավելենք, որ Սու-24 ամենավթարավտանգ խորհրդային ինքնաթիռն էր:
Աղբյուր՝ http://lenta.ru/news/2012/10/30/su24/