Իրանի ՌԾՈՒ-երը ժամանել են Սուդանի նավահանգիստ

Իրանի ռազմածովային ուժերի նավերը երկուշաբթի ժամանել են Սուդան, որի տարածքը նախորդ շաբաթ, ինչպես պնդում են սուդանցիները, իբր գնդակոծել են Իսրայելի ռազմաօդային ուժերը:
Ինչպես տեղեկացնում է ИТАР-ТАСС-ը, նավերը հանգրվանել են Սուդանի մայրաքաղաքից 500 կմ հյուսիս-արևելք ընկած, Կարմիր ծովի ափին գտնվող նավահանգիստ- Սուդան քաղաքում:
Նավախմբի կազմում են «Շահիդ Նաքդի» ականակիրը և «Հարք» ռազմանավը՝ 250 հոգանոց անձնակազմով: Նավերը կարող են երեք ուղղաթիռ կրել տախտակամածին:
Իրանի ռազմաօդային ուժերի ներկայացուցիչները հայտարարել են, որ նման ծովագնացության նպատակը հարևան երկրներին խաղաղության կոչելը և նավագնացության ու բեռնափոխադրումների անվտանգության ապահովումն է ծովահեններից:
Իրանի նավերի այցը սկսվեց Սուդանի մայրաքաղաք Հարթումի զենքի արտադրամասում տեղի ունեցած միջադեպից մեկ շաբաթ անց: Օրերս արտադրամասի ռազմաարդյունաբերական համալիրի և զինամթերքով լցված պահեստների տարածքում խոշոր հրդեհ էր բռնկվել, որն ուղեկցվել էր հզոր պայթյուններով:
Կատարվածի մեջ Սուդանը մեղադրում է Իսրայելին, որի ռազմաօդային ուժերը, ըստ Սուդանի իշխանությունների, գնդակոծել են ռազմավարական կարևոր նշանակություն ունեցող այդ տեղանքը: