Նոյեմբերի 11-ի ժամը 12:15-ի սահմաններում Արցախի շփման գծի հյուսիսարևելյան (Յարըմջա) և հյուսիսային (Թալիշ) ուղղություններով հակառակորդի ականանետային հարվածները որոշակի ընդմիջումներով շարունակվել են մինչև 15:30-ը: Այս մասին տեղեկացնում է ՊԲ կայքը:
Այդ ընթացքում ադրբեջանական զինուժը հայկական դիրքերի ուղղությամբ արձակվել է 37 արկ, որից 13-ը 60 միլիմետրանոց, իսկ 24-ը՝ 82 միլիմետրանոց ականանետերից:
Բացի ականանետային հարվածներից, շփման գծի արևելյան (Ակնա) ուղղությամբ հակառակորդը կիրառել է նաև տարբեր տրամաչափի հրաձգային զինատեսակներ, այդ թվում՝ «Սև նետ» և «Իստիգլալ» խոշոր տրամաչափի դիպուկահար հրացաններ:
Այս պահի դրությամբ իրավիճակն առաջնագծում համեմատաբար հանգիստ է:
ՊԲ առաջապահ ստորաբաժանումներն անհրաժեշտության դեպքում ձեռնարկում են համապատասխան միջոցներ՝ պետական սահմանի պաշտպանությունն ապահովելու համար: