Իրանի իսլամական հեղափոխության պահապանների կորպուսի (ԻՀՊԿ) ռազմածովային ուժերը կհամալրվեն «Շահիդ Մոհամմադ Նազարի» ռազմանավի արդիականացված տարբերակներով: Այս մասին հայտնել է ԻՀՊԿ ՌԾՈւ հրամանատար, գեներալ Ալի Ֆադավին: Նոյեմբերի 8-ին փոխանցում է իրանական «Թասնիմ» լրատվական գործակալությունը:
Ըստ Ֆադավիի` ռազմանավերի նոր տարբերակների կառուցումն արդեն սկսվել է:
ԻՀՊԿ ՌԾՈւ «Շահիդ Մոհամմադ Նազարի» ուղղաթիռակիր ռազմանավը
«Շահիդ Մոհամմադ Նազարի» ռազմանավը ունի 55 մետր երկարություն, 141 մետր լայնություն և 13 մետր բարձրություն: Ռազմանավի տախտակամածը ունի ուղղաթիռի վայրէջքի հրապարակ:
Ռազմանավը կարող է մինչև 10 հազար կմ տեղափոխել 100 զինծառայող և ուղղաթիռ: Ռազմանավը ԻՀՊԿ ՌԾՈւ շարքերն է համալրել սեպտեմբերին: Այն նախատեսված է ուղարկել Կարմիր և Միջերկրական ծովեր՝ պարեկության:
Հիշեցնենք, որ սեպտեմբերին ԻՀՊԿ ՌԾՈւ-ն համալրվել է նաև «Սաար» ռազմանավով, որը նախատեսված է Պարսից ծոցում և Օմանի ծովում որոնողափրկարարական աշխատանքներ կատարելու համար: