Ռուսաստանն ու Հունաստանը եզակի զորավարժություններ են անցկացրել

ՌԴ Սևծովյան նավատորմի մեծ դեսանտային «Նովոչերկասկ» նավը և Հունաստանի ռազմածովային ուժերի «Դանիոլոս» կորվետը համատեղ զորավարժություններ են անցկացրել Էգեյան ծովում: Այդ մասին ուրբաթ լրագրողներին հայտնել է Սևծովյան նավատորմի տեղեկատվական բաժնի պետ՝ առաջին աստիճանի կապիտան Վյաչեսլավ Տրուխաչևը:
Զորավարժությունների ընթացքում կողմերը մշակել են քաղաքացիական ինքնաթիռների տեղաշարժի մշտադիտարկման, ասիմետրիկ սպառնալիքների չեզոքացման՝ փոքր և ցածր թռչող թիրախների վնասազերծման, ձայնային և տեսողական կապի հաստատման, ծովում լիցքավորվելու, խուսանավման համատեղ գործողություններ:
ՀՕՊ համակարգերի համար պայմանական թիրախ էր ընտրված հունական ուղղաթիռը:
Տրուխաչևը հավելել է, որ զորավարժություններից հետո ռուսական նավը մտել է Սալոնիկի նավահանգիստ՝ մասնակցելու Հունաստանի ազգային տոնի՝ Օխի օրվան նվիրված միջոցառումներին:
Աղբյուր՝ http://ria.ru/military_exercise/20121026/907074998.html