ՌԴ ԶՈւ հարավային ռազմական շրջանի՝ Հայաստանում տեղակայված 102-րդ ռազմաբազայում մեկնարկել են զորացրվող զինծառայողների պլանային փոխարինումներ ռազմական ուսումնական կենտրոնների և ռազմական շրջանի այլ զորամասերի զինծառայողներով։ Այս մասին նոյեմբերի 1-ին Ռազմինֆոյին հայտնել է ՌԴ ԶՈւ հարավային ռազմական շրջանի մամուլի ծառայությունը։
Այս տարի նախատեսվում է փոխարինել զորակոչային ծառայություն անցած 1500 զինծառայողի։ Փոխարինող զինծառայողների մեծ մասը սակրավորներ, ՀՕՊ օպերատորներ, հետախույզներ և դիպուկահարներ են։
Հաղորդագրության մեջ հիմնական՝ մոտոհրաձգային ստորաբաժանումների զինծառայողների փոխարինման մասին չի նշվում։
Հայաստանում ՌԴ ԶՈւ 102-րդ ռազմաբազան տեղակայված է 1995 թվականից և ռազմական հսկողություն է իրականացնում՝ ԱՊՀ միացյալ ՀՕՊ համակարգի կազմում: 2012 թվականի օգոստոսին Երևանում հայ-ռուսական պայմանագրի երկարացման արձանագրություն է ստորագրվել, որով ռազմաբազայի տեղակայումը երկարացվել է մինչև 49 տարի (հաշվվում է 1995 թվականից):
Pingback: Ավարտվել են 102-րդ ռազմաբազայի զինծառայողների պլանային փոխարինումները | Ռազմ.info