Հոկտեմբերի 17-ին Վրաստանի Բաթումի նավահանգիստ է ժամանել Ֆրանսիայի Premier-Maître L’Her պարեկային նավը, որը նախատեսված է սուզանավերի դեմ պայքարի և յուրային նավերի ուղեկցման համար: Այս մասին հայտնում է Վրաստանի ՆԳՆ սահմանային ոստիկանության կայքը:
Հոկտեմբերի 19-ին Վրաստան ժամանած ֆրանսիական պարեկանավի մասնակցությամբ վրաստանցի ջրասուզակ զինծառայողները վարժանք են արել, որի ժամանակ ստուգել են, թե արդյոք ֆրանսիական նավը ականապատված է, թե ոչ:
Այսօր՝ հոկտեմբերի 20-ին, ֆրանսիական պարեկանավը կհեռանա Վրաստանի տարածքային ջրերից:
Մինչ այս 2014թ. ապրիլից սեպտեմբեր ժամանակահատվածում Վրաստան են այցելել Ֆրանսիայի ևս 3 ռազմանավ: