Հոկտեմբերի 18-ին՝ Իրաքի հյուսիսային Մոսուլ քաղաքի ազատագրման գործողության 2-րդ օրը, Իրաքի կառավարական ուժերը առաջ են շարժվել հարավային ուղղությամբ, հասել են Մոսուլից 30 կմ հեռավորություն վրա գտնվող Քայարա քաղաք։ Այս մասին հայտնում է Իրաքի քրդական ինքնավարության Rudaw գործակալությունը։
«Իսլամական պետություն» ահաբեկչական խմբավորումից Իրաքի Մոսուլ քաղաքի ազատագրման մարտերին կողմերի թվաքանակը (2016 հոկտեմբեր)
Բրիտանական Independent լրատվակայքի փոխանցմամբ՝ միացյալ ուժերին հաջողվել է «Իսլամական պետություն» (ԻՊ) ահաբեկչական խմբավորման վերահսկողությունից ազատագրել 220 քառակուսի կմ տարածք (20 գյուղ հարավային ուղղությամբ, 7 գյուղ՝ հյուսիսային):
AFP գործակալությունն էլ փոխանցում է, որ ԱՄՆ գլխավորած միջազգային կոալիցիոն ուժերը առաջին օրը՝ հոկտեմբերի 17-ին, ոչնչացրել են 52 թիրախ։ Իսկ այսօր՝ հոկտեմբերի 18-ին, Իրաքի կառավարական ուժերը կարողացել են «Իսլամական պետություն» (ԻՊ) ահաբեկչական խմբավորման վերահսկողությունից ազատագրել Նեմրութ հին քաղաքը:
#BREAKING: Locals take up arms against ISIS in Lazani village, which lies between Hamam Alil & Qayyara, killing 11 militants, Rudaw source. pic.twitter.com/WuXCvnWyXx
— Rudaw English (@RudawEnglish) October 18, 2016
Հիշեցնենք, որ հոկտեմբերի 17-ին, Իրաքի վարչապետ Հայդար Ալ-Աբադին հեռուստատեսությամբ հայտարարել էր, «Իսլամական պետությունից» երկրի հյուսիսային Մոսուլ քաղաքի ազատագրման գործողության մեկնարկի մասին:
Մոսուլի ազատագրման ցամաքային օդային գործողություններին մասնակցում է ԱՄՆ-ի գլխավորած միջազգային կոալիցիան, սակայն Թուրքիայի անմիջական ներգրավվածության մասին հայտնի չէր մինչ այսօրվա՝ հոկտեմբերի 18-ի Թուրքիայի վարչապետ Բինալի Յըլդըրմը հայտարարությունը, ըստ որի՝ Թուրքիայի ռազմաօդային ուժերը երեկ մասնակցել են Մոսուլ քաղաքում «Իսլամական պետության» դեմ ԱՄՆ-ի գլխավորած կոալիցիայի ավիահարվածներին: Իսկ Թուրքիայի նախագահ Էրդողանը ասել էր, որ Թուրքիան չի պատրաստվում կողքից հետևել քաղաքի ազատագրման գործողությանը։
Իրաքի կառավարական զորքերը Մոսուլի ազատագրման գործողությանը
Նշենք, որ «Իսլամական պետությունը» նույնպես լավ է պատրաստված քաղաքի ազատագրման դիմագրավմանը։ Այսօր խմբավորումը քարոզչական տեսագրություն է տարածել, որով փորձել է ցույց տալ, թե քաղաքում կյանքը շարունակվում է իր բնականոն հունով, փողոցները, սրճարանները մարդաշատ են։