Իրան է ժամանել ռուսական նավախումբ

Հոկտեմբերի 18-ին Ռուսաստանի ՌԾՈւ  Կասպյան նավատորմի «Թաթարստան» հրթիռային և «Գրադ սվիյաժսկ» փոքր հրթիռային ռազմանավերը  բարեկամական այցով ժամանել են Իրանի Էնզելի նավահանգիստ: Այս մասին հայտնում է իրանական «Թասնիմ» լրատվական գործակալությունը:

Այցի նպատակը մերձկասպյան երկրների միջև  համագործակցությունը  ամրապնդելն է:

Ռուսաստանի ՌԾՈւ «Թաթարստան» հրթիռային ռազմանավը

Ռուսաստանի ՌԾՈւ «Թաթարստան» հրթիռային ռազմանավը

Այցի ընթացքում ռուսական նավախմբի հրամանատարը հանդիպելու է Իրանի ռազմածովային ուժերի հյուսիսային նավատորմի հրամանատարի և Գիլան նահանգի նահանգապետի հետ:

Սա ռուսաստանյան ռազմանավերի չորրորդ  այցն է Իրան: Մինչ այս այցեր եղել են 2007-ին ,2014-ին և 2015-ին: Վերջին երկու այցերի  ընթացքում  ՌԴ ռազմանավերը անցկացրել են նաև  զորավարժություններ  Իրանի ռազմածովային ուժերի հետ:

Նմանատիպ այցով  Իրանի ՌԾՈւ նավերը 2013-ին և 2015-ի հոկտեմբերին ժամանել են  Կասպից ծովի ռուսաստանյան ափ և ՌԴ ռազմածովային ուժերի հետ համատեղ իրականցրել են զորավարժություններ:

Նշենք նաև, որ այսօր՝ հոկտեմբերի 18-ին,  Իրանի ռազմածովային ուժերի 2 նավ՝ «Դամավանդ» էսկադրային ականակիրը և «Ջոշան» հրթիռային նավը, եռօրյա այցով ժամանելու են Բաքվի նավահանգիստ:

Այցի հետ կապված Իրանի ՌԾՈւ դերծովակալ Աֆշին Ռեզաին հայտնել էր, որ  առաջիկա 6 ամիսների ընթացքում Իրանը շարունակելու է նմանատիպ ընկերական այցերը Կասպից ծովի այլ նավահանգիստներ, բացի այդ նախատեսվում է նաև այլ երկրների նավերի այց Կասպից ծովի իրանական ափեր:

One response to “Իրան է ժամանել ռուսական նավախումբ

  1. Pingback: Իրան է ժամանել Ռուսաստանի ԶՈւ ռազմանավ | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *