Ադենի ծովածոցում իրանական 2 առևտրային նավերի վրա ծովահեններ են հարձակվել: Ծովահեններն հարձակվել են երկու անգամ: Առաջին հարձակման ժամանակ ծովահենների 8 նավ փորձել է առևանգել իրանական առևտրային նավը, սակայն Ադենի ծովածոցում հերթապահություն իրականացնող իրանական 44-րդ նավախումբը հետ է մղել նրանց: Այս մասին հայտնում է Իրանի ՌԾՈւ պաշտոնական կայքը:
Հաջորդ անգամ ծովահենները 13 նավերով հարձակվել են մեկ այլ առևտրային նավի վրա և կրկին անհաջողության են մատնվել:
Իրանի ՌԾՈւ 44-րդ նավախումբը` կազմված «Ալվանդ» ռազմանավից և «Բուշեհր» թիկունքային ապահովման նավից, Ադենի ծովածոցում հերթապահության ուղարկվել է հոկտեմբերի 5-ին:
Իրանական ռազմանավերը Ադենի ծովածոցում և Կարմիր ծովում հերթապահություն անում են սկսած 2008 թվականից, երբ ծովահենները առևանգել էին իրանական բեռնատար նավ:
Pingback: Ռազմաշաբաթ. Տարածաշրջան. 16 – 22 հոկտեմբերի, 2016 | Ռազմ.info
Pingback: Իրանի ՌԾՈւ 44-րդ նավատորմիղը մուտք է գործել Ատլանտյան օվկիանոս | Ռազմ.info