Իրաքը սկսել է Մոսուլի ազատագրման գործողությունը

Այսօր՝ հոկտեմբերի 17-ին, Իրաքի վարչապետ Հայդար Ալ-Աբադին հեռուստատեսությամբ հայտարարել է, որ Իրաքի կառավարական ուժերը սկսել են «Իսլամական պետություն» ահաբեկչական խմբավորումից երկրի հյուսիսային Մոսուլ քաղաքի ազատագրման գործողությունը: Այս մասին հայտնում է բրիտանական The Guardian պարբերականը:

Իրաքի բանակը սկսել է Մոսուլի ազատագրման գործողություն:

The hour has struck. The campaign to liberate Mosul has begun. Beloved people of Mosul, the Iraqi nation will celebrate victory as one

— Haider Al-Abadi (@HaiderAlAbadi) October 17, 2016

Համաձայն «Ռոյթերս» գործակալության՝ Մոսուլի ազատագրման գործողությանը մասնակցում է Իրաքի կառավարական բանակի, քրդական Փեշմերգե զորաջոկատների մոտ 30,000 զինծառայող:

Բացի այդ Մոսուլի ազատագրմանը աջակցում են նաև ԱՄՆ գլխավորած կոալիցիան, որը ավիահարվածներ է հասցնում Մոսուլում տեղակայված ԻՊ դիրքերին:

Աղբյուրը հայտնում է նաև, որ Մոսուլում հավանաբար գտնվում է 4000-ից մինչև 8000 ԻՊ զինյալ:

ԱՄՆ Պաշտպանության քարտուղար Էշթոն Քարտեր հայտարարել է, որ Մոսուլի ազատագրման գործողությունը կարող է շրջադարջային լինել ԻՊ դեմ պայքարում:

«ԱՄՆ և կոալիցիայի մյուս անդամները պատրաստ են աջակցել Իրաքի զորքերին, քրդական ջոկատներին և Իրաքի բնակչությանը Մոսուլի գրավման գործողության համար»,-ասել է Քարտերը:

Հիշեցնենք՝ հոկտեմբերի 10-ին հայտնի էր դարձել, որ ԻՊ Իրաքի Մոսուլ քաղաքի շուրջը վեց պաշտպանական ամրություններ է բարձրացրել՝ այսպիսով պատրաստվելով Իրաքի կառավարական զորքերի կողմից քաղաքի ազատագրման գործողության դիմագրավմանը։

Հիշեցնենք նաև, որ 2014-ի հունիսին ԻՊ զինյլաներին հաջողվել էր Մոսուլից դուրս մղել կառավարական ուժերը և ոստիկանական զորքերն ու սահմանել հսկողություն մեծությամբ երկրորդ իրաքյան քաղաքի և դրա՝ ռազմավարական կարևորության մի շարք օբյեկտների նկատմամբ։

Իրաքի կառավարական զորքերը և քրդական ջոկատները սկսել են Մոսուլի ազատագրման գործողությունը:

Իրաքի կառավարական զորքերը և քրդական ջոկատները սկսել են Մոսուլի ազատագրման գործողությունը: