Այսօր՝ հոկտեմբերի 13-ին, ՀՀ պաշտպանության նախարար Վիգեն Սարգսյանը Ռուսաստանի «Ռոստեխ» պետական կորպորացիայի գլխավոր տնօրենի տեղակալ Դմիտրի Շուգաևի հետ քննարկել են տեղեկատվական տեխնոլոգիաների, պաշտպանության ու անվտանգության համալիր համակարգերի ուղղություններով արտադրական կոոպերացիայի և համատեղ ձեռնարկությունների ստեղծման հեռանկարները: Այս մասին հայտնում է ՀՀ ՊՆ կայքը:
ՀՀ պաշտպանության նախարար Վիգեն Սարգսյանն ընդունել է ՌԴ «Ռոստեխ» պետական կորպորացիայի գլխավոր տնօրենի տեղակալ Դմիտրի Շուգաևին
Հանդիպումը կայացել է ԱրմՀայՏեք» առաջին միջազգային ցուցահանդեսի շրջանակներում:
Հավելենք, որ ցուցահանդեսի շրջանակներում Վիգեն Սարգսյանն ընդունել է նաև ՌԴ ռազմատեխնիկական համագործակցության դաշնային ծառայության տնօրեն Ալեքսանդր Ֆոմինին, ինչպես նաև ավելի վաղ՝ Ռուսաստանի ռազմարդյունաբերական հանձնաժողովի կոլեգիայի փոխնախագահ Օլեգ Բոչկարյովին: Երկու հանդիպումների ընթացքւոմ էլ քննարկվել են Հայաստանի և Ռուսաստանի միջև ռազմական համագործակցության խորացմանը վերաբերող հարցեր:
Հիշեցնենք, որ ArmHiTec-2016 միջազգային ցուցահանդեսը անցկացվում էհոկտեմբերի 13-15֊ին Erevanexpo ցուցահանդեսային համալիրում։ Ցուցահանդեսը կազմակերպում է «ԲԻԶՈՆ» ընկերությունը՝ ՀՀ ՊՆ նախաձեռնությամբ։ ArmHiTec-2016-ը անցկացվում է ՀԱՊԿ Հավաքական անվտանգության խորհրդի նիստի շրջանակում։