Թուրքիայի ԶՈւ ԳՇ կայքը հոկտեմբերի 4-ին հրապարակել է զինված ուժերի թվաքանակը՝ առաջին անգամ ներառելով միայն ՊՆ, ցամաքային, ռազմաօդային և ռազմածովային ուժերի թվաքանակը։ Ժանդարմերիայի և առափնյա անվտանգության անձնակազմերի մասին տվյալներ կրկին չեն հրապարակվել։
Այսպիսով՝ Թուրքիայի ԶՈւ և պաշտպանության նախարարության անձնակազմը 395․148 է, որից 39936-ը քաղաքացիական աշխատողներ են, իսկ 355․212-ը՝ զինծառայողներ։ Տվյալները հրապարակվել են Թուրքիայի ԶՈւ ԳՇ կայքում։
Համաձայն հրապարակված տվյալների՝ թուրքական զինուժում գեներալների և ծովակալների թիվը 201 է։
Հուլիսին հրապարակված տվյալներով նույն զորամիավորումներում առանց ժանդարմերիայի և առափնյա անվտանգության ծառայում էր 325 գեներալ և ծովակալ՝ 124-ով ավել քան ներկայումս: Սեպտեմբերին հրապարակված տվյալների համեմատ գեներալների թիվը պակասել է 5-ով:
Սպաների թիվը 29434 է, ինչը 2243-ով պակաս է հուլիսի 1-ին հրապարակված ցուցանիշից, սակայն սեպտեմբերի համեմատ գրեթե չի փոփոխվել։ Ենթասպաների թիվը 67257 է, ինչը իր հերթին 1332-ով է պակաս հուլիսի քանակից, սակայն սեպտեմբերի համեմատ ընդամենը 389-ով է պակաս:
Պրոֆեսիոնալ սերժանտների (հատուկ պայմանագրային եֆրեյտորներ) թիվը հոկտեմբերի 4-ի դրությամբ 49279 է, ինչը սեպտեմբերի համեմատ 800-ով ավելի է։
Նշենք, որ ռազմական հեղաշրջման փորձից հետո հեռացված սպաների և ենթասպաների փոխարեն թուրքական զինուժը ակտիվորեն ընդունում է պայմանագրային սերժանտների, որոնք առավել հավատարիմ մնացին կառավարությանը:
Զորակոչված անձնակազմի թվաքանակը սեպտեմբերի համեմատ ավելացել է շուրջ 4,5 հազարով, իսկ ընդհանուր անձնակազմը՝ շուրջ 3,4 հազարով։ Շուրջ հազարով նվազել է պրոֆեսիոնալ զինծառայողների թվաքանակը:
Թուրքիայի ԶՈւ ԳՇ և ՊՆ անձնակազմը 2016 թ. հոկտեմբերի դրությամբ. աղյուսակ.
| Զինվորական կոչում | ԳՇ, ՊՆ, Ցամաքային ուժեր, ՌԾՈւ, ՌՕՈւ | Ժանդարմերիա | Առափնյա անվտանգություն | Ընդհանուր թվաքանակ |
| Գեներալ, ծովակալ | 201 | – | – | – |
| Սպաներ | 29.434 | – | – | – |
| Ենթասպաներ | 67.257 | – | – | – |
| Պայմանագրային ժանդարմներ | — | – | — | – |
| Հատուկ պայմանագրային եֆրեյտորներ | 49.279 | – | – | – |
| Պայմանագրային եֆրեյտորներ, շարքայիններ | 15.869 | — | – | – |
| Պրոֆեսիոնալ անձնակազմ | 162.040 | – | – | – |
| Զորակոչված անձնակազմ | 193.172 | – | – | – |
| Քաղաքացիական կազմ (ՊՆ, ԶՈւ) | 39․936 | – | – | – |
| Ընդհանուր թվաքանակ | 395.148 | – | – | – |
| Պայմանագրայինների թիվը տոկոսով | 46% | – | – | – |