ՀՀ ՊՆ 5-րդ բանակային կորպուսի պատրաստության պլանի համաձայն` կորպուսի ենթակա զորամասերի հատուկ նշանակության ստորաբաժանումներն իրականացրել են ուղղաթիռից պարանով դեսանտավորման ուսումնական վարժանքներ: Այս մասին հայտնում է ՀՀ ՊՆ կայքը:
Հոկտեմբերի 4-ից 5-ը անցկացված ուսումնական վարժանքների ընթացքում հղկվել են ռելիեֆային բարդ պայմաններում ցածր բարձրություններից անձնակազմի դեսանտավորման և ուղաթիռից բեռների իջեցման հմտությունները:
Նշենք, որ օրերս նույն բանակային կորպուսի ուսումնական կենտրոնում անցկացվել են զորամիավորման ենթակա զորամասերի դիպուկահարների հավաքներ: