Ռուսաստանի նախագահի՝ 2016-ի սեպտեմբերի 17-ի հրամանով փոխծովակալ Ալեքսանդր Նոսատովը հաստատվել է ՌԴ զինված ուժերի Բալթյան նավատորմի հրամանատար։ Այս մասին հայտնում է ՌԴ ՊՆ արևմտյան ռազմական շրջանի մամուլի ծառայությունը:
Նոսատովը ծնվել է 1963-ին: Նախկինում ղեկավարել է ՌԴ ԶՈւ ռազմածովային ակադեմիան, իսկ մինչ այդ՝ ՌԴ ԶՈւ սևծովյան նավատորմը:
ՌԴ ԶՈւ բալթյան նավատորմի նորանշանակ հրամանատար, փոխծովակալ Ալեքսանդր Նոսատովը
Նշենք, որ փոխծովակալ Ալեքսանդր Նոսատովին ՌԴ պաշտպանության նախարարը Բալթյան նավատորմի հրամանատարի ժամանակավոր հրամանատար էր նշանակել դեռևս հուլիսի սկզբից:
Ավելի վաղ՝ մայիսի 11-ից հունիսի 10-ը կատարված ստուգումների արդյունքում հունիսի 29-ին ՌԴ պաշտպանության նախարար Սերգեյ Շոյգուն ազատել էր Բալթյան նավատորմի հրամանատարին՝ մարտական պատրաստության մեջ լուրջ բացթողումների, ՊՆ-ին ներկայացրած կեղծ զեկույցների պատճառով: Ստուգումների արդյունքում ծառայությունից ազատվել էին նաև մոտ 50 սպա: