Սիրիայում երկու թուրք զինծառայող է մահացել

Սիրիայում՝ թուրք-սիրիական սահմանից 7 կմ հեռավորության վրա ընկած տարածքում, ականազերծման աշխատանքների ընթացքում մահացել է Թուրքիայի ԶՈւ 2 զինծառայող, վիրավորվել՝ ևս 2-ը: Մահացած զինծառայողներն են պրոֆեսիոնալ սերժանտ Բուրակ Ուչարը և ենթասպա Բայրամ Կարան:  Այս մասին հայտնում է թուրքական İhlas լրատվական գործակալությունը:

Հիշեցնենք, որ օգոստոսի 24-ի առավոտյան Թուրքիայի ԶՈւ հատուկ նշանակության, տանկային ստորաբաժանումները օդուժի աջակցությամբ ցամաքային գործողություններ են սկսել թուրք-սիրիական սահմանին՝ Հալեպից հյուսիս տեղակայված Ջերաբլուսի շրջանում՝ նշելով այն «Իսլամական պետությունից» ազատագրելու նպատակների մասին: Եվ արդեն շուրջ մեկ ամիս է ինչ Թուրքիան գործողություններ է ծավալում Սիրիայի տարածքում:

Թուրքիայի ԶՈւ տանկերը և Սիրիայի թուրքմեն զինյալները՝ Ջերաբլուսի ճամփին

Թուրքիայի ԶՈւ տանկերը և Սիրիայի թուրքմեն զինյալները՝ Ջերաբլուսի ճամփին (2016 օգոստոս, արխիվ)

Ջերաբլուս քաղաքը և հարակիցների շրջանների գրավումից հետո՝ սեպտեմբերի 16-ին, Թուրքիայի զինուժը «Սիրիայի թուրքմեն զինյալների» օգնությամբ սկսել է Հալեպից հյուսիս ընկած Էլ-Բաբ բնակավայրը գրավելու գործողությունը:

Նշենք, որ Էլ-Բաբը գրավելու դեպքում Թուրքիան հայտնվում է Հալեպի մատույցներում:

Իսկ երեկ՝ սեպտեմբերի 19-ին Թուրքիայի նախագահ Ռեջեփ Էրդողանը ՄԱԿ-ի նիստին ընդառաջ հայտարարել էր, որ «Թուրքիային ասում են Էլ-Բաբ մի շարժվեք, սակայն մենք որտեղ պետք լինի՝ այնտեղ էլ գնալու ենք» և այդպիսով վերահաստատել Սիրիայի հյուսիսում Թուրքիայի համար «անվտանգության գոտի» ստեղծելու մտադրությունները:

2 responses to “Սիրիայում երկու թուրք զինծառայող է մահացել

  1. Pingback: Ռազմաշաբաթ. Տարածաշրջան. 18 – 24 սեպտեմբերի, 2016 | Ռազմ.info

  2. Pingback: Սիրիայում սպանվել է Թուրքիայի ԶՈւ 1 զինծառայող | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *