Իսրայելի ռազմաօդային ուժերի կործանիչները 2 ավիահարված են հասցրել Սիրիայի Ղունայտռա նահանգում տեղակայված հրետանային բազային: Այս մասին հայտնում է Սիրիայի պետական SANA գործակալությունը:
Գործակալության ռազմական աղբյուրը հայտնել է, որ ավիահարվածների արդյունքում ոչնչացվել է 1 թնդանոթ, վնասվել ևս մեկը:
Հիշեցնենք, որ սեպտեմբերի 13֊ին Սիրիայի բանակի կենտրոնական հրամանատարությունը հայտնել էր, որ Իսրայելի ՌՕՈւ ինքնաթիռը գրոհել է Սիրիայի բանակի Ղունայտռա շրջանում տեղակայված դիրքերը, և պատասխան կրակի արդյունքում կորցրել Իսրայելի ՌՕՈւ մեկ ինքնաթիռ և մեկ անօդաչու թռչող սարք։ Սակայն Իսրայելի պաշտպանության բանակը հերքել էր ինքնաթիռի խոցվելու մասին լուրը։
Ավելի վաղ՝ սեպտեմբերի 10-ին, SANA գործակալությունը հայտնել էր, որ Ղունայտռայում Սիրիայի կառավարական ուժերի և ահաբեկչական խմբավորումների միջև մարտերի ընթացքում Իսրայելը հարվածներ էր հասցրել սիրիական բանակի դիրքերին և օգնել ահաբեկչական խմբավորումներին՝ մասնավորապես «Ջեբհաթ ալ֊Նուսրային»:
Pingback: Սիրիայի սահմանին Իսրայելը առաջին անգամ հակահրթիռային Iron Dome համակարգ է կիրառել | Ռազմ.info