Շարունակելով Հայաստանի հակաօդային պաշտպանության (ՀՕՊ) համակարգի թեման, Ձեզ ենք ներկայացնում ամերիկացի ռազմական փորձագետ Շոն Օ՛Քոնորի կազմած Հայաստանի ՀՕՊ ծածկույթի սխեման՝ Ռազմինֆոյի շտկումներով։ Դրանք վերաբերում են Երևանի շուրջ տեղակայված Ս-300ՊՏ-1 համակարգերի ծածկույթներին, որոնք Օ՛Քոնորի մոտ նշված են 47 կմ, իրական 90-ի փոխարեն։ Ավելացրել ենք նաև որոշ ռադիոտեղորոշիչ կայանների ծածկույթները, որոնք բացակայում էին օրիգինալում։
Հայկական ՀՕՊ մոտավոր ծածկույթը (առանց ռադիոտեղորոշիչ կայանների)
Նշանակումները.
- Փիրուզագույն եռանկյունի/շրջանագիծ – Ս-125 ԶՀՀ դիրք/խոցման տիրույթ
- Բաց կանաչ եռանկյունի/շրջանագիծ – «Կռուգ» ԶՀՀ դիրք/խոցման տիրույթ
- Կարմիր եռանկյունի/շրջանագիծ – Ս-300ՊՏ-1/Ս-300ՊՍ ԶՀՀ դիրք/խոցման տիրույթ
- Մուգ կանաչ եռանկյունի/շրջանագիծ – «Կուբ» ԶՀՀ դիրք/խոցման տիրույթ (ռուսական 102-րդ ռազմաբազայինն է)
- Գազարագույն եռանկյունի/շրջանագիծ – Ս-300Վ ԶՀՀ դիրք/խոցման տիրույթ (ռուսական 102-րդ ռազմաբազայինն է)
Հայկական ռադիոտեղորոշիչ կայանների մոտավոր ծածկույթը։
Նշանակումները.
- Կապույտ շեղանկյուն ” П-14, П-18, П-35 ռադիոտեղորոշիչ կայաններ։
- Կապույտ շրջանագիծ ” 36Д6 ռադիոտեղորոշիչ կայաններ
- Կարմիր շրջանագիծ ” 64Н6 ռադիոտեղորոշիչ կայան
Հաշվի առնելով, ֆեյսբուքյան մեր էջում հնչեցված որոշ մտահոգությունները` տեղեկացնում ենք, որ այս լուսանկարները վերցված են Google Earth համակարգից, այսինքն` հասանելի են բոլորին և հետևաբար չեն կարող գաղտնի լինել։
Հավելենք նաև, որ այս քարտեզներում նշված են միայն այն համակարգերը և ռադիոտեղորոշիչ կայանները, որոնք երևում են Google Earth ծրագրի լուսանկարներում։
Առաջիկայում կտեղադրենք նաև Ադրբեջանի ՀՕՊ քարտեզը։
One response to “Հայաստանի հակաօդային պաշտպանության քարտեզը”