Թուրքիայի ժանդարմերիայի գլխավոր հրամանատարությունը հայտարարել է շուրջ 10 հազար զինծառայող ընդունելու մասին՝ հրապարակելով դիմումներ ներկայացնելու համար անհրաժեշտ ժամկետները և պայմանները: Հայտարարությունը հրապարակվել է Թուրքիայի պետական պաշտոնյաների հարցերով գլխավոր վարչության կայքում:
Թուրքիայի ԶՈւ ԳՇ պետն այցելել է ժանդարմերիայի հատուկ նշանակության գործողությունների հրամանատարություն. (արխիվ)
Ժանդարմերիայում ծառայության անցնելու համար կարող են դիմել Թուրքիայի մինչև 25 տարեկան այն քաղաքացիները, որոնց առնվազն լիցեյի կամ այլ մասնագիտական հաստատությունների կրթական աստիճան ունեն, զինվորական ծառայությունից զորացրվելուց 3 տարի և ավելի ժամկետ չի անցել:
Դիմումները ներկայացվում են սեպտեմբերի 5-ից մինչև հոկտեմբերի 7-ը: Նոր անձնակազմը հիմնականում ծառայության կանցնի ժանդարմերիայի հատուկ նշանակության ուժերում, հասարակական անվտանգության պահպանման և թիկունքային ապահովման զորամասերում: Նշենք, որ այս ստորաբաժանումները գլխավորապես ներգրավված են «Քրդստանի աշխատավորական կուսակցության» (PKK) դեմ պայքարում:
Հավելենք, որ հուլիսի 15-16-ին Թուրքիայում ռազմական հեղաշրջման փորձից հետո բազմաթիվ զինվորականներ և ուժայիններ հեռացվել են Թուրքիայի ԶՈւ, ժանդարմերիայի, ՆԳՆ ստորաբաժանումների կազմերից: Այս միջադեպից հետո բոլոր կառույցներում անձնակազմի խնդիր է առաջացել, որը փորձում են լրացնել նոր զինծառայողների ընդունմամբ:
Հավելենք, որ վերջին շրջանում կրկին սատկացել են թուրքկաան ուժային կառույցների և քրդերի միջև զինված բախումները, բացի այդմ, թուրքական զինուժը ցամաքային գործողություններ է սկսել Սիրիայի տարածքում:
Հիշեցնենք՝ դեռևս օգոստոսի 11-ին Թուրքիայի ՆԳՆ ղեկավարը հայտնել էր, որ հուլիսի 15-16-ի ռազմական հեղաշրջման փորձին մասնակցելու, աջակցելու համար աշխատանքից ազատվածների թիվը հասել է շուրջ 76 հազարի, ձերբակալվել է 16899 մարդ, այդ թվում՝ 3083 ոստիկան, 7248 զինվորական, 2288 դատավոր և դատախազ:
Հուլիսի 20-ի դրությամբ ձերբակալվել էր 165 գեներալ և ծովակալ, 6746 գնդապետ, միջին սպայակազմի այլ ներկայացուցիչներ, զինծառայողներ և կուսրանտներ, ոստիկանության 4288 աշխատակից, 19 նահանգապետ և այլ բարձրաստիճան պաշտոնյաներ:
Pingback: Թուրքիայում սկսում են 10 հազար հատուկջոկատային ոստիկան ընդունել | Ռազմ.info