ՀՀ նախագահ Սերժ Սարգսյանը հոկտեմբերի 11-ին հրամանագիր է ստորագրել գեներալ-մայոր Լյովա Մնացականյանին ՀՀ զինված ուժերի գլխավոր շտաբի պետի տեղակալ նշանակելու մասին:
Գեներալ-մայոր Լյովա Հենրիխի Մնացականյանը ծնվել է 1965 թվականի սեպտեմբերի 14-ին ԼՂՀ Ասկերանի շրջանում: Ավարտել է Երևանի պոլիտեխնիկական ինստիտուտը և ՌԴ ԶՈՒ ԳՇ ռազմական ակադեմիան:
2007 թվականին Լյովա Մնացականյանը նշանակվել է ԼՂՀ ՊԲ շտաբի պետ-հրամանատարի առաջին տեղակալ:
Գեներալ-մայոր Լյովա Մնացականյանը պարգևատրվել է «Վարդան Մամիկոնյան», ԼՂՀ «Մարտական խաչ» I, ՀՀ «Մարտական խաչ» II, «Հայրենիքին մատուցած ծառայությունների համար» II աստիճանի, «Մարշալ Բաղրամյան», «Անդրանիկ Օզանյան», այլ պետական ու գերատեսչական շքանշաններով և մեդալներով:
Pingback: Լյովա Մնացականյանը կնշանակվի ՊԲ հրամանատարի պաշտոնում | Ռազմ.info