Օգոստոսի 24-26-ը ՀՀ ՊՆ 3-րդ բանակային զորամիավորման 2016թ. պատրաստության պլանի համաձայն` անցկացվել են եռաստիճան զորավարժություններ, խաղարկվել են մարտական գործողությունների նախապատրաստման ու վարման դրվագներ: Այս մասին այսօր՝ օգոստոսի 29-ին, հայտնում է ՊՆ մամուլի ծառայությունը:
ՀՀ ՊՆ 3-րդ բանակային կորպուսում անցկացվել են եռաստիճան զորավարժություններ:
Ընդհանուր առմամբ զորավարժությանն ընդգրկվել են ավելի քան 3000 զինծառայողներ, 300 միավոր ռազմական ու ավտոմոբիլային տեխնիկա:
Նշենք, որ օգոստոսի 16-18-ը ՊՆ 3-րդ կորպուսում անցկացվել են մարտավարաշարային պլանային պարապմունքներ, ինչպես նաև ենթակա զորամասերի հրամկազմի մասնակցությամբ հրամանատարական հավաքներ, որոնք ուղեկցվել են ցուցադրական, գործնական, մեթոդական պարապմունքներով և դասախոսություններով:
Հիշեցնենք, որ օգոստոսի 8–10-ը ՀՀ ՊՆ 3-րդ բանակային կորպուսի ուսումնական կենտրոններից մեկում զորամիավորման հրամանատարի ղեկավարությամբ անցկացվել էր ցուցադրական գումարտակային մարտավարական զորավարժություն` մարտական հրաձգությամբ:
Հավելենք՝ օգոստոսի 16-ից ՀՀ ԶՈւ զորամասերում մեկնարկել են 2016թ. ուսումնական տարվա երկրորդ կիսամյակի` ամառային ուսումնական փուլի շրջանակում իրականացվող միջոցառումները, որոնց շրջանակներում անցկացվում են տարբեր պարապմունքներ:
ՀՀ ՊՆ 3-րդ բանակային կորպուսում անցկացվել են եռաստիճան զորավարժություններ: