Այսօր՝ օգոստոսի 26-ին, սիրիական կառավարական ուժերը և Դամասկոսի հարևանությամբ գտնվող Դարայա քաղաքի զինյալները պայմանավորվել են զինյալների կողմից զենքերը վայր դնելու և քաղաքը կառավարական ուժերին հանձնելու մասին:
Այս մասին հայտնում է սիրիական «Սանա» պետական գործակալությունը:
Դարայա քաղաքի վարչական խորհրդի ղեկավար Մարուան Աբեյդը «Սանա»-ին հայտնել է, որ ըստ պայմանավորվածության՝ քաղաքում ապրող ընտանիքները կտարհանվեն Դամասկոսի կամ նրա հարևանությամբ գտնվող ժամանակավոր կացարաններ:
Նախատեսվում է նաև, որ զենքերը վայր դնելուց հետո շուրջ 700 զինյալներ կտեղափոխվեն Իդլիբ:
Իրադրությունը Դարայայում օգոստոսի 26-ի դրությամբ: Կանաչով պատկերված են Դարայայում գտնվող զինյալները, որոնց շրջապատել են կառավարական և Ասադին հարող ուժերը:
Արաբական «Ալ-Մասդար Նյուզ» լրատվակայքը նշում է, որ Դարայա քաղաքի համար կառավարական ուժերի և զինյալների միջև մարտերը փոփոխակի հաջողություններով ընթանում էին շուրջ 4 տարի, և կառավարական ուժերը հաջողության հասան այն բանից հեոտ, երբ սիրիական բանակի 4-րդ դիվիզիան կտրեց Դարայայի կապը հարևանությամբ գտնվող ալ-Մադիմիյա ավանի հետ: Նշվում է, որ ալ-Մադիմիյայի զինյալները հաշտության եկան կառավարական ուժերի հետ, և դրանից հետո Դարայայի զինյալները հայտնվեցին լիակատար մեկուսացման մեջ:
Աղբյուրը նշում է նաև, որ Դարայայում հաստատվելուց հետո, կառավարական ուժերը հնարավորություն կունենան իրենց շուրջ 2500 զինվորականներին և զրահատեխնիկան կենտրոնացնել այլ ճակատներում:
Սիրիայի կառավարական ուժերը Դարայայի մի հատվածում