Առաջին անգամ Հայաստանը «Բանակ-2016» ռազմատեխնիկական ֆորումին կներկայացնի ռազմարդյունաբերական 5 ձեռնարկություն: Ֆորումը անցկացվելու է սեպտեմբերի 6-ից 11-ը մերձմոսկովյան «Պատրիոտ» զբոսայգում:
Այս մասին հայտնում է ՏԱՍՍ լրատվական գործակալությունը՝ մեջբերելով ՌԴ ՊՆ գիտահետազոտական գործունեության գլխավոր վարչության պետ Ալեքսանդր Միրոնովին:
Հայաստանի մասնակցության մասին ավելի վաղ հայտնել էր ՌԴ ՊՆ գիտահետազոտական գործունեության գլխավոր վարչության պետի տեղակալ գեներալ-մայոր Ռոման Կորդյուկովը:
Առաջին անգամ կներկայանան նաև Բելառուսը՝ 9 ձեռնարկությամբ, Ղազախստանը՝ 6, իսկ Պակիստանը՝ 9:
2016 թվականին ֆորումին հրավիրվել են մասնակցելու 107 երկիր, որոնցից 86-ը հաստատել են իրենց մասնակցությունը, իսկ 45-ը պլանավորում են ուղարկել պաշտոնական պատվիրակություն:
«Բանակ-2016»-ը ՌԴ ՊՆ-ի կողմից նախաձեռված ռազմատեխնիկական միջազգային ֆորում է,որը անցկացվում է երկրորդ անգամ: «Բանակ-2015»-ին Հայաստանը չի մասնակցել, սակայն ՀՀ ՊՆ տեղակալ նյութատեխնիկական ապահովման դեպարտամենտի նախկին պետ Ալիկ Միրզաբեկյանի պատվիրակությունը Ռուսաստանում մասնակցել էր «Բանակ-2015» միջազգային ռազմատեխնիկական համաժողովին:
Pingback: Ռազմաշաբաթ. Հայաստան. 21-27 օգոստոսի, 2016 | Ռազմ.info
Pingback: Ռուսաստանում մեկնարկում է «Բանակ-2016» ռազմարդյունաբերական ցուցահանդեսը | Ռազմ.info