ԱՄՆ 150 տարբեր մասնագետներից բաղկացած խումբ է ուղարկել Հորդանան:

Նյու Յորք Թայմսը հայտնում է, որ Միացյալ Նախահանգները 150 տարբեր մասնագետներից բաղկացած խումբ է գաղտնի ուղարկել Հորդանան:

Նրանք Հորդանանի զինվորականներին պետք է օգնեն Սիրիայի փախստականերին սնունդով ապահովելու, Սիրիայի քիմիական զենքի վերահսկողության կորստի դեպքում համապատասխան քայլեր ձեռնարկելու, ինչպես նաև բախումների տարածմանը պատրաստ լինելու գործում:

Խումբը տեղակայված է Ամանի հյուսիսում գտնվող Հորդանանի զինվորական ուսումնական կենտրոնում, իսկ ղեկավարը ամերիկյան բանակի բարձրաստիճան սպա է: Ներկայումս նրանք մեծամասամբ զբաղվում են Հորդանանում գտնվող մոտ 180.000 սիրիացի փախստականերին օգնություն ցուցաբերելով:

Այս ստորաբաժանումը պատրաստվում է նաև Հորդանանին պաշտպանել թուրք-սիրիական սահմանային բախումներից: Քննարկվել է Հորդանանի զորքերի կողմից Սիրիայի տարածքում բուֆերային գոտու ստեղծումը և ԱՄՆ-ի քաղաքական, գուցե նաև նյութական աջակցությամբ: Բուֆերային գոտու ստեղծումը առայժմ մնում է որպես հնարավոր, բայց ոչ առաջնային տարբերակ:

Պենտագոնի պաշտոնյաները և ԱՄՆ-ում Հորդանանի դեսպանատունը հրաժարվել են մեկնաբանել այս տեղեկությունը:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *