Օգոստոսի 8-ին Բաքվում Ադրբեջանի, Ռուսաստանի և Իրանի նախագահների հանդիպումից հետո ՌԴ փոխվարչապետ Դմիտրի Ռոգոզինը հայտնել է, որ Ադրբեջանում կգործեն ինքնաթիռների հավաքման գործարան և ուղղաթիռների արդիականացման կենտրոն: Այս մասին այսօր՝ օգոստոսի 9-ին հայտնում է ռուսաստանյան «Ռոսսիա 24» հեռուստաալիքի առցանց ծառայությունը:
Ռուսաստանի ռազմարդյունաբերական պետական հանձնաժողովի քարտուղար, ՌԴ փոխվարչապետ Ռոգոզինը նաև հայտնել է, որ Ադրբեջանը հետաքրքրված է ռուսաստանյան МС-21 մարդատար ինքնաթիռների գնման հարցում: Նա նշել է, որ այս տարվա վերջում ինքնաթիռների փորձարկման փուլը վերջացնելու դեպքում կողմերը 2017-ի փետրվարին կկնքեն առնվազն 10 միավոր նման ինքնաթիռների վաճառքի պայմանագիր:
Գործարանը և վերանորոգման կենտրոնը բացվելու են Բաքվում՝ Ռուսաստանի և Ադրբեջանի համագործակցության արդյունքում: Բացի այդ, Ադրբեջանը հետաքրքրված է նաև «Ան-124 Ռուսլան» բեռնատար ինքնաթիռների ձեռքբերմամբ:
МС-21 մարդատար ինքնաթիռները ձեռք բերելու հուշագիր ադրբեջանական և ռուսաստանյան կողմերը ստորագրել էին դեռևս 2016-ի հունվարին, սակայն պայմանագիր դեռևս չի ստորագրվել:
Ինչ վերաբերում է գործարանին և արդիականացման կենտրոնին, ապա դեռևս պարզ չեն ինչպես կառուցման պայմանները և ժամկետները, այնպես էլ՝ թե ինչ ինքնաթիռներ են հավաքվելու Ադրբեջանում:
Նշենք, որ 2008-ին ռուս-վրացական հակամարտությունից հետո սրված հարաբերությունների պատճառով Վրաստանը դադարել էր իր երկրի տարածքում վերանորոգել և արտադրել ՍՈւ-25 կործանիչներ՝ 2010 թ. տեխնոլոգիաները փոխանցելով Ադրբեջանին: Այդ իսկ պատճառով ներկայումս Ադրբեջանի Սումգայիթի շրջանում գործում է Սու-25 ինքնաթիռների կապիտալ վերանորոգման կենտրոն:
Pingback: Ռազմաշաբաթ. Տարածաշրջան. 7-13 օգոստոսի, 2016 | Ռազմ.info
Pingback: ՌԴ պաշտպանության նախարարն Ադրբեջանում է | Ռազմ.info
Pingback: Բաքվում «Ռուսաստանի ուղղաթիռներ» ընկերության վերանորոգման կենտրոն կգործի | Ռազմ.info
Pingback: «Անտոնովի» գլխավոր կոնստրուկտորը զբաղվելու է «ադրբեջանական ավիաշինության ստեղծմամբ» | Ռազմ.info
Pingback: [Թարմացված] Ադրբեջանի 2017 թ. ռազմական բյուջեով խոշոր գումար է հատկացվում ռազմարդյունաբերությանը | Ռազմ.info
Pingback: Ադրբեջանի նախագահը հաստատել է 2017 թ. բյուջեն. շուրջ 700մլն դոլար կուղղվի զենքի գնումներին | Ռազմ.info