Ծովային գավաթում Ռուսաստանը շրջանցել է Ղազախստանի և Ադրբեջանի հավաքականներին

Օգոստոսի 3-5-ին «բանակային միջազգային խաղերի» շրջանակներում անցկացվող «Ծովային գավաթ-2016» մրցույթի առաջին 2 փուլերի արդյունքներով Ռուսաստանի հավաքականը շրջանցել է Ադրբեջանի և Ղազախստանի հավաքականներին՝ չնայած որ առաջին փուլից հետո վերջին հորիզոնականում էր: Այս մասին հայտնում է ՌԴ ՊՆ կայքը:

«Ծովային գավաթ-2016» մրցույթից

«Ծովային գավաթ-2016» մրցույթից

ՌԴ կայպյան նավատորմի «Ուտիչ» փոքր հրթիռային նավակը հատկապես հաջող է հանդես եկել լողացող ականի խոցման վարժությունում՝ արդյունքներով անհամեմատ գերազանցելով մրցակից երկրների հրթիռային նավակներին:

Հավաքական Միավորներ Տեղը
Ռուսաստան 132 1
Ադրբեջան 122 2
Ղազախստան 121 3

Հիշեցնենք, որ 2015 թ. օգոստոսի 3-ին առաջին անգամ «Բանակային միջազգային խաղեր» մրցաշարի շրջանականերում անցկացվել է «Կասպյան գավաթ-2015» մրցույթը, Ռուսաստանի, Ադրբեջանի և Ղազախստանի մասնակցությամբ, որն այս տարի անվանափոխվել է «Ծովային գավաթ», քանի որ պետք է անցկացվեր նաև Սև ծովի ջրային տարածքներում՝ ներգրավելով Չինաստանին:

Սակայն մինչ այս մրցույթն անցկացվել է միայն Կասպից ծովի ջրերում՝ կրկին նույն երեք մերձկասպյան երկրների 1500 տ. ծրածավալով փոքր նավերի միջև:

«Կասպյան գավաթ-2015» ռազմածովային մրցույթում առաջին տեղը զբաղեցրել էր Ռուսաստանի ՌԾՈւ «Գռադ Սվիյաժսկ» փոքր հրթիռային նավը, երկրորդ տեղում էր Ղազախստանի «Սարիարկա» հրթիռահրետանային նավը, իսկ երրորդ տեղում Ադրբեջանի «G-124» պարեկապահակային նավն էր:

Այս տարի Ադրբեջանը կրկին նույն նավով է մասնակցում, սակայն ցուցաբերում անհամեմատ ավելի լավ արդյունքներ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *