Հուլիսի 25-ին Բաղդադից 80 կմ հյուսիս-արևելք գտնվող Էլ-Խալեսի հսկիչ-անցագրային կետում ավտոմեքենայի պայթունի հետևանքով զոհերի թիվը հասել է 21-ի, վիրավորներինը՝ 32-ի: Այս մասին հայտնում է արաբական Al Jazeera լրատվակայքը՝ հղում անելով երկրի անվտանգության աղբյուրներին:
Հուլիսի 25-ին Բաղդադից 80 կմ հյուսիս-արևելք գտնվող Էլ-Խալեսի հսկիչ-անցագրային կետում իրականացված ահաբեկրությունից լուսանկար
Ավելի վաղ հայտնի էր 14 զոհի և 30 վիրավորի մասին: Սակայն Reuters լրատվական գործակալության աղբյուրը Իրաքի անվանգության համակարգից ասել էր, որ զոհերի թիվը ամենայն հավանականությամբ կաճեր, որովհետև վիրավորների մեծ մասը գտնվում էին ծայրահեղ ծանր վիճակում: Զոհերի մեծ մասը մահացել են հսկիչ-անցագրային կետում սպասող մեքենաներում:
#BREAKING: A car bomb hits the north of Baghdad, #Iraq
Kills and wounds many people.#TwitterKurds pic.twitter.com/zZD9WvMY3B— Kurdistan24 English (@K24English) July 25, 2016
Ահաբեկչական խմբավորումներից ոչ մեկը դեռևս պատասխանատվություն չի վերցրել իր վրա:
Պայթունը հաջորդել է երեկ Բաղդադի Կադհիմիյահի շրջանում ԻՊ-ի իրականացրած ահաբեկչությանը, որի ժամանակ զոհվել էր 15 մարդ:
Չնայած «Իսլամական պետության» ենթակայության տակ գտնվող մի քանի քաղաքների ազատագրման՝ Իրաքի ուժայիններին, այնուամենայնիվ, չի հաջողվում շրջանում անվտանգություն հաստատել: Հիշեցնենք՝ Բաղդադում հունիսի սկզբին խոշոր ահաբեկչության զոհ դարձավ 300 մարդ:
Ըստ Իրաքում ՄԱԿ առաքելության տվյալների՝ միայն հունիսին Իրաքում շարունակվող բռնության զոհ է դարձել 650 մարդ, ևս 1457-ը վիրավորվել է:
Pingback: Ռազմաշաբաթ. Տարածաշրջան. 24–30 հուլիսի, 2016 | Ռազմ.info