ՀՀ ԶՈւ հետախույզները հրաձգության մրցույթի են մասնակցել Բելառուսում

Հուլիսին Բելառուսում անցկացվել է «մարտավարական հրաձգության» միջազգային մրցույթ, որին մասնակցել են Ռուսաստանի, Բելառուսի, ինչպես նաև Հայաստանի զինված ուժերի հատուկ և զորային հետախուզության ստորաբաժանումների զինծառայողներ: Այս մասին տեղեկացնում է ՌԴ ՊՆ կայքը: Հայկական կողմի մասնակցության մասին նշվում է նաև Բելառուսի ՊՆ կայքում:

Հայկական զինուժի հատուկ նշանակության ստորաբաժանման զինծառայողներ

Հայկական զինուժի հատուկ նշանակության ստորաբաժանման զինծառայողներ (արխիվ)

Մրցույթի բաղկացուցիչ մասերից են եղել պարեկային խմբերի դուրսբերումը հետախուզվող տարածք, շարժումը կտրտված տեղանքով, կրակային առաջադրանքի կատարումը, ականապատումը պայմանական հակառակորդի թիկունքում և երթը՝ ամբողջ հանդերձանքով:

Բացի այդ, զինծառայողները իրականացրել են նաև գետանցում, որի ժամանակ կատարել են հրաձգություն, պահեստատուփի, զենքի փոխարինում: Բացի այդ էլ, գետանցման որոշակի հատված զինծառայողները հաղթահարել են պայմանական վիրավորված աջ կամ ձախ ձեռքով:

Մրցույթին մասնակցել է Հայաստանի, Ռուսաստանի և Բելառուսի մոտ 100 զինծառայող:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *