Իրանի պաշտպանության նախարարը հաստատել է Ս-300 հրթիռների առաջին խմբաքանակի ստացումը

Հուլիսի 20-ին Իրանի պաշտպանության նախարար Հոսեյն Դեհղանը երկրի խորհրդարանում հայտարարել  է , որ Իրանը արդեն ստացել է  Ս-300 համակարգերի հրթիռների առաջին խմբաքանակը: Հայտնում է իրանական «Ֆարս» լրատվական գործակալությունը:

Ըստ Դեհղանի` համակարգերի մի մասն արդեն տեղակայված է այն վայրերում, որտեղ պիտի կրի մարտական հերթապահություն:

Մինչ այս նշվում էր, որ Իրանի Ս-300 համակարգերը մարտական հերթապահության են նշանակվելու մինչև իրանական տարվա վերջ՝ 2017թ. մարտ ամիսը:

Ինչ վերաբերում է մատակարարումներին, հուլիսի 18-ին իրանական լրատվամիջոցները հայտարարել էին , որ Ռուսաստանը Իրանին է մատակարարել  Ս-300ՊՄՈւ2 զենիթահրթիռային համակարգերի  հրթիռների առաջին խմբաքանակը:

Ս-300ՊՄՈւ-2 համակարգի՝ Իրանին մատակարարված առաջին հրթիռները

Ս-300ՊՄՈւ-2 համակարգի՝ Իրանին մատակարարված առաջին հրթիռները

Հիշեցնենք, որ Ս-300 համակարգերի առաջին բաղադրիչները մատակարարվել են 2016 թ ապրիլին  և ցուցադրվել են Իրանի զինված ուժերին նվիրված զորահանդեսում:

Նույն ժամանակահատվածում  Ռուսաստանի ռազմաարդյունաբերական խորհրդի քարտուղար Դմիտրի Ռոգոզինը հայտարարել է , որ պայմանագրով նախատեսված սպառազինությունը Ռուսաստանը Իրանին կմատակարարի մինչ տարվա վերջ:

Իրանը և Ռուսաստանը Ս-300 զենիթահրթիռային համակարգերի գնման պայմանագիր ստորագրել են 2007թ:

2010թ. ՄԱԿ-ը սահմանեց պատժամիջոցներ Իրանի նկատմամբ, որով արգելվում էր Իրանին որոշակին զինատեսակների մատակարարումը:Ու թեև դա զենիթահրթիռային համակարգերի մատակարարման պայմանագրին չէր վերաբերում, այնուամենայնիվ Ռուսաստանը հրաժարվեց Իրանին Ս-300 մատակարարել:

Իրանի վրայից պատժամիջոցները հանելու համատեքստում 2015 թ  ապրիլին Ռուսաստանի նախագահ Վլադիմիր Պուտինը ստորագրեց հրամանագիր, որով հանվեց Ս-300 համակարգերի՝ Իրան արտահանման արգելքը:

Հոդվածի հեղինակ Ժաննա Վարդանյան

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *