Ադրբեջանը թուրքական բանակին տարածք է հատկացնում

Այսօր՝ հուլիսի 20-ին, Ադրբեջանի նախագահը հաստատել է  Բաքվի «Գըզըլ շերղ» զինավանի և Սումգայիթի Հաջի Զեյնալաբդին ավանի մոտակայքում տեղակայված ռազմական օդանավակայանի տարածքում Թուրքիայի զինուժի անձնակազմին տարածք հատկացնելու արձանագրությունը։ Հրամանագիրը հրապարակվել է Ադրբեջանի նախագահի կայքում։

Նշվում է, որ Ադրբեջանում Թուրքիայի ԶՈւ անձնակազմ տեղակայելու վերաբերյալ արձանագրությունը ստորագրվել էր 2016 թ․ հունիսի 3-ին՝ երկու երկրների կառավարությունների միջև։

Հրամանագրում մասնավորապես նշվում է, որ Բաքվի Յենի Յասամալ ավանի տարածքում տեղակայված «Գըզըլ շերղ» (Qızıl Şərq) զինավանում Թուրքիայի զինուժի անձնակազմին հատկացվելու են «որոշակի շենքեր և կառույցներ»։

Սումգայիթի Հաջի Զեյնալաբդին (Hacı Zeynalabdin, նախկինում՝ Նասոսնի) ավանի տարածքում տեղակայված ռազմական օդանավակայանում թուրքական զինուժին հանձնվելու է մեկ տերմինալ։