ՌԴ ԶՈւ հարավային ռազմական շրջանի՝ Հայաստանում տեղակայված 102-րդ ռազմաբազայում անցկացվել է հրշեջ-մարտավարական զորավարժություն՝ ավելի քան 100 զինծառայողի և շուրջ 20 միավոր ռազմական և հատուկ տեխնիկայի ներգրավմամբ:
ՌԴ ԶՈւ 102-րդ ռազմաբազայի զինծառայողները հրշեջ-մարտավարական զորավարժության ժամանակ
Այս մասին Ռազմինֆոյին հայտնել են ռազմաբազայի մամուլի ծառայությունից:
Ռազմաբազայում անձնակազմի փոխարինումից հետո զորավարժության նպատակն է նոր ժամանած զինծառայողներից հրշեջ հաշվարկների ձևավորումը:
Զորավարժության ընթացքում մշակվել են մարտական մեքենաների պարկում, պահեստներում, վարչական շինություններում, կրթական և բժշկական հաստատություններում պայմանական հրդեհների չեզոքացման մեխանիզմներ:
Զորավարժության ընթացքում կատարվել են հրդեհի աղբյուրի հայտնաբերման, ազդարարման, անձնակազմի և տեխնիկայի տարհանման, զորամասում հերթապահ ստորաբաժանումերի կազմակերպման և այլ գործողություններ:
Սեմինարների անցկացման հիմնական վայրերից մեկը Գյումրիի ռազմական կայազորի Սիվերսկի ռազմական ավանի վառելիքաքսուքային և դյուրավառ հեղուկների պահպանման պահեստն է եղել:
Այս ուսումնական կետում զինծառայողները սովորել են գործել 3 հրշեջային հաշվարկներով՝ հատուկ տեխնիկայի բացազատման, հրդեհի օջախի չեզոքացման և տարհանումների իրականացման համար:
Զորավարժության սցենարի համաձայն վառելիքաքսուքային պահեստում հոսանքի լարերի կարճ միացում է եղել, որի հետևանքով հրդեհ է առաջացել: Հերթապահող հրշեջները պետք է հասնեին դեպքի վայր և մարեին պայմանական հրդեհը:
Հոդվածի հեղինակ Զեմֆիրա Եգանյան