Ներկայացվել են Հայաստանի ArmHiTec ռազմարդյունաբերական ցուցահանդեսի բաժինները

ՀՀ պաշտպանության նախարար Սեյրան Օհանյանը հաստատել է սպառազինությունների և պաշտպանական տեխնոլոգիաների ArmHiTec-2016 առաջին միջազգային ցուցահանդեսի հայեցակարգը, նախապատրաստման ու անցկացման միջոցառումների պլանը։

ArmHiTec-2016 ցուցահանդեսը կանցկացվի հոկտեմբերի 13-15-ին Erevanexpo ցուցահանդեսային համալիրում: Այս մասին տեղեկացնում է ՀՀ ՊՆ կայքը:

Ցուցահանդեսի թարմացված թեմատիկ ցանկն ընդգրկում է սպառազինությունների և ռազմականտեխնիկայի գործնականում կիրառվող ողջ տեսականին, առաջին պլան մղելով նորարարական տեխնոլոգիաների և բարձր ճշգրտության զենքի մշակումները։ Ցուցահանդեսն ընդգրկում է հետևյալ բաժինները.

  • մարտի կառավարման համակարգեր,
  • հաղորդակցման կապի միջոցներ և համակարգեր,
  • զորքերի կառավարման ավտոմատ համակարգեր,
  • ռոբոտատեխնիկական համակարգեր,
  • անօդաչու ավիացիա,
  • թռչող ապարատներ և համակարգեր,
  • անօդաչու ավիացիայի հետ պայքարի տեխնոլոգիաներ,
  • հայտնաբերման, որոնման և զննման միջոցներ,
  • ճշգրիտ զենք,
  • լազերային տեխնոլոգիաներ,
  • օպտիկական-էլեկտրոնային սարքավորումներ եւ համակարգեր,
  • ՀՕՊ միջոցներ,
  • ռադիոհետախուզության, ռադիոէլեկտրոնային պայքարի և ռադիոհակազդման միջոցներ,
  • «Ապագայի զինվորի» սպառազինություն, տեխնոլոգիաներ, հանդերձանք
  • այլ թեմատիկ բաժիններ:

Ցուցահանդեսի նպատակն է ներկայացնել Հայաստանի և այլ երկրների նորագույն ռազմական տեխնիկան, ռազմարդյունաբերության նորարարական մշակումները:

2 responses to “Ներկայացվել են Հայաստանի ArmHiTec ռազմարդյունաբերական ցուցահանդեսի բաժինները

  1. Pingback: Ռազմաշաբաթ. Հայաստան. 17–23 հուլիսի, 2016 | Ռազմ.info

  2. Pingback: ArmHiTec-2016 ցուցահանդեսին Հայաստանը կներկայացնի 28 ընկերություն | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *