Ռուսաստանի զինված ուժերի՝ Հայաստանում տեղակայված 102-րդ ռազմաբազայի ստորաբաժանումները սկսել են ականներ հայտնաբերելու հրահանգչամեթոդական վարժանքներ: Այս մասին հայտնում է ՌԴ ՊՆ կայքը:
Ռուսաստանի ԶՈւ զինծառայողները՝ վարժեցված շների հետ
Վարժանքներին ներգրավված են 100 զինծառայող, պայթուցիկ նյութեր ճանաչող վարժեցված շներ և 10 միավոր հատուկ ռազմական տեխնիկա:
«Կամխուդ» և «Ալագյազ» զորավարժարաններում ինժեներական հետախուզության անցկացման ընթացքում զինծառայողները հրահանգիչի ղեկավարությամբ սովորում են փնտրել և վնասազերծել տարատեսակ պայթուցիկ սարքեր:
Վարժանքները կավարտվեն 5 հազար քմ տեղանքում ական փնտրող շների, ինչպես նաև «Տախիոն» և «Օրլան-10» ԱԹՍ-ների՝ պայթունավտանգ առարկաների որոնման գործողությունների իրականացմամբ :
Վարժանքների ընթացքում զինծառայողները կկիրառեն «ԻՊԼ-Մ» և «Կորշուն» ականորսներ:
Հոդվածի հեղինակ Նազենիկ Սարոյան