Ինֆորմացիոն տեխնոլոգիաների ձեռնարկությունների միությունը (ԻՏՁՄ) նախաձեռնել է «ՀՀ զինված ուժերից զորացրվող զինծառայողների տեղեկատվական տեխնոլոգիաների ոլորտում կրթության և զբաղվածության ապահովում» ծրագիրը, որի նպատակն է ինժեներական գիտելիքներ և հմտություններ փոխանցել ապրիլյան մարտական գործողությունների մասնակից, զորացրված կամ առաջիկայում զորացրվող ժամկետային զինծառայողներին, վիրավոր զինածառայողներին, նրանց ընտանիքի անդամներին, ինչպես նաև զոհված զինծառայողների ընտանիքի անդամներին: Այս մասին հայտնում է ԻՏՁՄ-ի կայքը:
Կրտսեր մասնագետների հետ զրույց «Հայ տեք» կիբեռանվտանգության կենտրոնում (արխիվ)
Ծրագիրն իրականացվելու է դասընթացների միջոցով: Տևողությունը վեց ամիս է: Յուրաքանչյուր ուսումնական խմբում կարող է ընդգրկվել 15 անձ:
Դասընթացը հնարավորություն կտա տիրապետել ծրագրավորման նախնական համակարգչային ծրագրավորման լեզվից (Scratch) մինչև բարձր մակարդակի ծրագրավորման լեզու (JavaScript), սովորել ռոբոտաշինության սկզբուքներ:
Նախատեսվում է, որ ծրագիրը կմեկնարկի սեպտեմբեր-հոկտեմբեր ամիսներին: Երևանում առաջին դասընթացը կանցկացվի հուլիսի 15-ին:
Ծրագրին մասնակցելու համար անհրաժեշտ է.
- Անձը հաստատող փաստաթղթով և զինվորական գրքույկով ներկայանալ տարածքային զինվորական կոմիսարիատ և հաշվառվել:
- Հաշվառվել ՀՀ աշխատանքի և սոցիալական հարցերի նախարարության: «Զբաղվածության պետական ծառայություն» գործակալության զբաղվածության տարածքային կենտրոնում գործազուրկի կամ աշխատանք փնտրողի կարգավիճակ ստանալու համար
Հաշվառվելիս անձը պետք է ցանկություն հայտնի ծրագրավորողի մասնագիտություն ձեռք բերելու համար:
Հարցերի համար էլ կարելի է զանգել ԻՏՁՄ ծրագիրը համակարգողին 011548881 (ներքին՝ 12) հեռախոսահամարով: