Ապրիլից բարերարները Արցախի կառավարությանն են փոխանցել 137 մեքենա, 4,5 մլրդ դրամ

Հուլիսի 8-ին Արցախի կառավարությունը խորհրդարանում ներկայացրել է օպերատիվ շտաբի գործունեության եռամսյակի հաշվետվությունը, որը ներառում էր նաև ապրիլի 4-ից Արցախի կառավարության հատուկ հաշվեհամարում հանգանակված գումարների ծախսման վերաբերյալ գաղտնի տեղեկություններ: Այս մասին տեղեկացնում է Արցախի կառավարության կայքը:

Արցախի կառավարությանը փոխանցված գումարների բաշխումը 2016 ապրիլից հուլիս ժամանակահատվածում

Արցախի կառավարությանը փոխանցված գումարների բաշխումը 2016 ապրիլից հուլիս ժամանակահատվածում

Հուլիսի 1-ի դրությամբ՝ 6,831 ֆիզիկական և իրավաբանական անձանց կողմից կառավարության հատուկ հաշվեհամարին է փոխանցվել.

  • 2.334.853.200 ՀՀ դրամ,
  • 3.510.147 ԱՄՆ դոլար,
  • 173.728 եվրո,
  • 62.121.313 ՌԴ ռուբլի

կամ ընդհանուր առմամբ՝ 4.562.175.600 համարժեք ՀՀ դրամ:

Ապրիլի 4-ից մինչև հուլիսի 1-ը հավաքված գումարներից ծախսեր են կատարվել, որոնք ներառել են հետևյալ ուղղությունները (ՀՀ դրամով).

փոխանցում Պաշտպանության բանակին 597.826.000
ռազմական նշանակության տեխնիկայի և սարքավորումների ձեռքբերում 736.529.100
ինժեներական աշխատանքների կատարում 356.452.800
ՊԲ կարիքների համար ենթակառուցվածքների, տրանսպորտի և կապի ծառայությունների ու կապիտալ ծախսերի իրականացում 198.859.700
զորակոչված քաղաքացիներին և կամավորականներին դրամական աջակցության տրամադրում 532.372.100

Բացի ֆինանսական հանգանակությունից, կառավարությունը ստացել է նաև զգալի ծավալի իրային և պարենային աջակցություն, որոնք հաշվետու ժամանակահատվածում տրվել են կարիքավոր քաղաքացիներին և Պաշտպանության բանակին:

Դրանց շարքում, 137 նվիրաբերված մեքենաները փոխանցվել են գլխավորապես Պաշտպանության բանակին, ինչպես նաև մի շարք այլ պետական մարմինների: Ստորև՝ մանրամասն հաշվետվությունները.

 

One response to “Ապրիլից բարերարները Արցախի կառավարությանն են փոխանցել 137 մեքենա, 4,5 մլրդ դրամ

  1. Pingback: Ռազմաշաբաթ. Հայաստան. 10–16 հուլիսի, 2016 | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *