Հուլիսի 10-ին Հայաստանի Տավուշի մարզի Բերդավան գյուղի մոտի հայկական դիրքերից մեկում Ադրբեջանի զինուժի կրակոցից վիրավորվել է ՀՀ ԶՈւ զինծառայող Տիգրան Մկրտչյանը:
Զինծառայողի վիրավորվելու մասին լուրն իր Թվիթերի գրառմամբ հաստատել է նաև Հայաստանի պաշտպանության նախարարությունը:
#Armenian soldier in #Tavush #RepublicofArmenia wounded by shooting of #Azerbaijan @AmbJamesWarlick @StateDept @francediplo @MID_RF @OSCE
— Armenia MOD (@ArmeniaMODTeam) July 10, 2016
Հայաստանյան News.am կայքը տեղեկացնում է, որ զինծառայողին վիրահատել են Բերդի հոսպիտալում, այնուհետև տեղափոխել են Երևան՝ Կենտրոնական կլինիկական զինվորական հոսպիտալ:
Նույն օրը թշնամին շարունակել է կրակել նաև Արցախի հայկական դիրքերի ուղղությամբ՝ կիրառելով հրաձգային զինատեսակներ: Հուլիսի լույս 11-ի գիշերն էլ թշնամին կրակել է ավտոմատներով, գնդացիրներով և դիպուկահար հրացաններով:
Pingback: Ռազմաշաբաթ. Հայաստան. 10–16 հուլիսի, 2016 | Ռազմ.info