Հրամանատարաշտաբային զորավարժությունները շարունակվում են

Ռազմինֆոն արդեն անդրադարձել է ՀՀ տարածքում հոկտեմբերի 1-ից ընթացող մեկամսյա ռազմավարական հրամանատարաշտաբային զորավարժություններին: Պաշտպանության նախարարությունից տեղեկացնում են, որ զորավարժությունների պլանի համաձայն` ուսումնական կենտրոններում և նախորոշման շրջաններում արդեն բացազատվել են հրամանատարական կետեր, իրականացվել են ստորաբաժանումների զորահամալրման և մարտական համագործակցության աշխատանքներ, զորահամալրվող ստորաբաժանումների անձնակազմերի հետ կազմակերպվել են մարտական պատրաստության հիմնական առարկաների, ինչպես նաև շտաբների ներդաշնակման պարապմունքներ:
Ռազմավարական հրամանատարաշտաբային զորավարժությունների ղեկավար, ՀՀ ԶՈՒ ԳՇ պետ, գեներալ-գնդապետ Յուրի Խաչատուրովը զորավարժությունների ընթացքին ծանոթանալու նպատակով այցելել է բացազատված հրամանատարական կետեր, տվել համապատասխան հրահանգներ ու ցուցումներ: