Սիրիայում սպանվել է Վրաստանի երկու քաղաքացի

Սիրիայում ընթացող ռազմական գործողություններում սպանվել է Վրաստանի քաղաքացի, Պանկիսի կիրճի Դումաստուրի գյուղի 22-ամյա բնակիչ Ասլանբեկ Բորչաշվիլին: Այս մասին հունիսի 28-ին հայտնել է վրացական «Իմեդի» հեռուստաընկերությունը:

Սիրիայում սպանված 22-ամյա Ասլանբեկ Բորչաշվիլի

Սիրիայում սպանված 22-ամյա Ասլանբեկ Բորչաշվիլի

Նրա ընտանիքի անդամները հայտնում են, որ Բորչաշվիլին մոտ մեկ տարի առաջ գնացել է Թուրքիա աշխատելու համար, այնուհետև անցել է Սիրիա ռազմական գործողություններին մասնակցելու համար: Նա Թելավիի պետական համալսարանի երրորդ կուրսի ուսանող էր:

Հունիսի 29-ին «Կախեթիի տեղեկատվական կենտրոնը» հայտնել է, որ Սիրիայում մահացել է Վրաստանի ևս մեկ քաղաքացի, Դուիսի գյուղի (Պանկիսի կիրճ) 39-ամյա բնակիչ Օմար Մարգոշվիլին: Վերջինս Սիրիայի է տեղափոխվել 2015-ին և անցել է «Իսլամական Պետության» շարքերը:

39-ամյա Օմար Մարգոշվիլի

39-ամյա Օմար Մարգոշվիլի

Նշենք, որ Սիրիայում ռազմական գործողությունների ամբողջ ընթացքում սպանվել է Վրաստանի արդեն 17 քաղաքացի:

«Իսլամական Պետության» շարքերում կռվող Վրաստանի քաղաքացիների քանակի մասին կոնկրետ տեղեկություններ հայտնի չեն: Վրացական աղբյուրները հայտնում են, որ Սիրիայում կռվում են Պանկիսի կիրճի 50–60 բնակիչ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *