Հունիսի 28-ին Վրաստանի ԶՈւ զինծառայողները Մեծ Բրիտանիայի ԶՈւ Սենիբրիջ զորավարժարանում (Sennybridge training area) մասնակցել են բրիտանական զինված ուժերի 160-րդ բրիգադի (Ուելս) 6-րդ հետևակային գումարտակի զորավարժությանը, որի ժամանակ վաշտի մակարդակով իրականացրել են հարձակողական և պաշտպանական գործողություններ: Այս մասին հայտնում է Վրաստանի ՊՆ կայքը:
Վրաստանի զինված ուժերի «Ալֆա» վաշտի զինծառայողները Մեծ Բրիտանիայում զորավարժության ժամանակ
Վրաստանի զինված ուժերից զորավարժությանը մասնակցել է արևելյան հրամանատարության 4-րդ մեխանիզացված բրիգադի 12-րդ թեթև հետևակային գումարտակի «Ալֆա» վաշտի զինծառայողների մի մասը: Զորավարժությանը մասնակցել են նաև Կանադայի զինված ուժերի զինծառայողներ:
Նշենք, որ զորավարժությանը մասնակցած վրաստանյան ստորաբաժանումը մայիսին երեք տարով դարձել է ՆԱՏՕ-ի արձագանքման ուժերի անդամ: ՆԱՏՕ-ի արձագանքման ուժերը միջազգային ռազմական ուժեր են, որոնք նախատեսված են արագ բացազատման և ՆԱՏՕ-ի հիմնական ուժերին օժանադակության համար:
Ավելացնենք, որ Ուելսի 160-րդ բրիգադի հրամանատար, բրիգադի գեներալ Մարտին Գամբլի գլխավորած պատվիրակությանն այսօր՝ հունիսի 29-ին, հյուրընկալվել է ՀՀ պաշտպանության նախարարությունում, որտեղ ՀՀ ՊՆ առաջին տեղակալ Դավիթ Տոնոյանի հետ քննարկել է համագործակցության խորացման և նոր ոլորտներում փոխգործակցության հնարավորությունները:
Վրաստանի զինված ուժերի «Ալֆա» վաշտի զինծառայողները Մեծ Բրիտանիայում զորավարժության ժամանակ
Վրաստանի զինված ուժերի «Ալֆա» վաշտի զինծառայողները Մեծ Բրիտանիայում զորավարժության ժամանակ