Հունիսի 24-ին ՀՀ ՊՆ վարչական համալիրում անցկացվել է ՀՀ գերիների, պատանդների և անհայտ կորածների հարցերով զբաղվող հանձնաժողովի հերթական նիստը, որի ընթացքում քննարկվել են 2016թ. առաջին կիսամյակի ընթացքում հանձնաժողովի կատարված աշխատանքները, նախանշվել են աշխատանքային հետագա ծրագրերը: Այս մասին տեղեկացնում է ՀՀ ՊՆ տեղեկատվության վարչությունը:
Անցկացվել է ՀՀ գերիների, պատանդների և անհայտ կորածների հարցերով զբաղվող հանձնաժողովի նիստ
Հանձնաժողովի նախագահ, պաշտպանության նախարար Սեյրան Օհանյանն ընդգծել է, որ հանձնաժողովի գործունեությունն ունի մեծ նշանակություն անհայտ կորած անձանց որոնման, գերության մեջ հայտնվող ՀՀ քաղաքացիներին հայրենադարձելու աշխատանքների և նրանց ընտանիքներին ցուցաբերվող օգնության առումով: Նախարարը նաև արձանագրել է, որ նախատեսված պլանային միջոցառումները հիմնականում կատարվել են:
Նիստի ընթացքում հանձնաժողովի կատարած աշխատանքների վերաբերյալ զեկույց է ներկայացրել հանձնաժողովին առընթեր աշխատանքային խմբի ղեկավար Արմեն Կապրիելյանը:
Անցկացվել է ՀՀ գերիների, պատանդների և անհայտ կորածների հարցերով զբաղվող հանձնաժողովի նիստ
Նիստի ընթացքում ՊՆ տեղեկատվության և հասարակայնության հետ կապերի վարչության պետ Վարդան Ավետիսյանը ներկայացրել է անհայտ կորած ազատամարտիկների հիշատակի օրվա կապակցությամբ հունիսի 29-ին կայանալիք միջոցառումների ծրագիրը:
Ամփոփելով հանձնաժողովի նիստը՝ Սեյրան Օհանյանը փաստել է, որ հաշվետու ժամանակահատվածում հանձնաժողովի աշխատանքները եղել են արդյունավետ: Նախարարը մատնանշել է նաև այն հանգամանքը, որ այս տարվա ընթացքում ՀՀ քաղաքացիների` գերության մեջ հայտնվելու դեպքեր չեն արձանագրվել:
Pingback: Ռազմաշաբաթ. Հայաստան. 19–25 հունիսի, 2016 | Ռազմ.info