2016թ. ամառային զորակոչի անցկացման գործընթացի թափանցիկության և օրինականության ապահովման, զորակոչի ընթացքում քաղաքացիների դիմումներում և բողոքներում բարձրացված հարցերի արագ լուծման նպատակով ՀՀ պաշտպանության նախարարի հրամանով ստեղծվել է հանձնաժողով: Այս մասին տեղեկացնում է ՀՀ ՊՆ կայքը:
Զորակոչի վերաբերյալ քաղաքացիների դիմումները և բողոքները քննող հանձնաժողովը: Լուսանկարը ՀՀ ՊՆ «Հայ Զինվոր» պաշտոնաթերթի
Հանձնաժողովի նախագահ է նշանակվել ՀՀ պաշտպանության նախարարի խորհրդական Գեղամ Հարությունյանը:
Քաղաքացիների դիմումների և բողոքների քննարկման համար Հանձնաժողովի նիստերը կանցկացվեն Մոսկովյան 5 հասցեում տեղակայված Հասարակական խորհրդի աշխատավայրում յուրաքանչյուր երկուշաբթի և հինգշաբթի օրերին` ժամը 10.00-ից մինչև 18.00-ն:
Քաղաքացիների դիմում-բողոքներն ընդունվում են շաբաթվա բոլոր աշխատանքային օրերին` Հասարակական խորհրդում:
Լրացուցիչ տեղեկությունների համար հետաքրքրվողները կարող են զանգահարել 010 52-34-82 հեռախոսահամարով:
One response to “ՀՀ ՊՆ նորաստեղծ հանձնաժողովը կքննի զորակոչի վերաբերյալ քաղաքացիների դիմումները”