Ռազմաշաբաթ. Հայաստան. 5–11 հունիսի, 2016

Առաջնագծում թշնամին կրակել է հրազենով • Անձրևից առաջացած հեղեղից մահացել է 2 զինծառայող • ՊՆ-ն պարզաբանել է ՀՀ-ՌԴ ՀՕՊ համաձայնագիրը • 5ԲԿ-ն զորավարժություն է անցկացրել Ապրիլյան պատերազմի դրվագներով • Սեյրան Օհանյանն այցելել է Արցախի առաջնագիծ • Հայաստան է անցել Ադրբեջանի բնակիչ • Հայաստանում անցկացվել է ՀԱՊԿ ԱԽ քարտուղարների նիստ • ԱՊՀ պետությունների սակրավորները կվերապատրաստվեն Ռուսաստանում • Ռազմինֆոն ներկայացրել է ԱՄՆ-ից Հայաստանի և Ադրբեջանի ստացած ռազմական օգնությունը • ՀՀ ԱԻՆ-ը զորավարժություն է անցկացրել ուժեղ երկրաշարի սցենարով • Մովսես Հակոբյանն ընդունել է ԶՈւ հնարավոր մատակարարներին • ԵԱՀԿ դիտարկումն անցել է առանց կրակոցների • Հայաստանը կատարում է Վիեննայի փաստաթղթի դրույթները • Մեկնարկում են ԶՈւ ամփոփիչ ստուգումներ • Հայաստան է այցելել ՆԱՏՕ-ի ուսումնական խումբ • Ռազմական կցորդներն այցելել են զորամաս • Մեղադրանքներ են առաջադրվել զինծառայողների և կուրսանտների

1. Սեյրան Օհանյանի այցն Արցախի առաջնագիծ, 2․ Դ-30 հաշվարկի պարապմունքն ուսումնական զորամասում, 3․ Ցուցադրական զորավարժություն 5ԲԿ զորամասում, 4․ Ֆիզպատրաստության ստուգողական պարապմունք

• Հունիսի 5-ից 11-ն առաջնագծում իրավիճակը հանգիստ է եղել, կրակոցները՝ հիմնականում հրաձգային զինատեսակներով և քիչ (հունիսի 5, հունիսի 6, հունիսի 7, հունիսի 8, հունիսի 9, հունիսի 10, հունիսի 11)։

• Հունիսի 8-ին տեղացած առատ անձրևից առաջացած ջրհեղեղի, ուժեղ քամու հետևանքով անհետ կորել են հայկական զինուժի զինծառայողներ՝ Վարդան Կարապետի Ղրմաջյանը և Արմեն Պավելի Գազարյանը, որոնց մարմինները հայտնաբերվել են ավելի ուշ:

• Հունիսի 9-ին ՀՀ պաշտպանության նախարարությունը տարածել է տեղեկանք, որում պարզաբանել է Հայաստանի և Ռուսաստանի միավորված տարածաշրջանային ՀՕՊ համակարգի մասին՝ 2015-ի դեկտեմբերին ստորագրված պայմանագրի դրույթները, ներկայացրել մանրամասները:

Հայկական զինուժի հակահարձակումը զորավարժության ընթացքում

• Մայիսի 24-ից հունիսի 2-ը ՀՀ ՊՆ 5-րդ բանակային կորպուսի զորամասերից մեկի հրաձգային գումարտակն անցկացրել է մարտական հրաձգությամբ ցուցադրական մարտավարական զորավարժություն, որի ժամանակ խաղարկվել են նաև Ապրիլյան պատերազմի գործողություններից որոշ դրվագներ:

• Հունիսի 4-ին ՀՀ պաշտպանության նախարար Սեյրան Օհանյանն այցելել է Արցախ և եղել հյուսիս-արևելյան ուղղության առաջնագիծ:

Սեյրան Օհանյանը դիրքապահ զինծառայողների հետ

• Հունիսի 7-ին, ադրբեջանական կողմից սահմանը հատելով, Տավուշում Հայաստանի տարածք է անցել Ադրբեջանի քաղաքացի, 1977թ. ծնված Վալիևա Զոհրա Վարձար քըզըն, ում հայկական կողմը Կարմիր խաչի միջնորդությամբ Ադրբեջանին է հանձնել հունիսի 10-ին:

• Հունիսի 8-ին Երևանում անցկացվել է ՀԱՊԿ պետությունների անվտանգության խորհուրդների քարտուղարների խորհրդի նիստը, որի ժամանակ համաձայնեցվել է մինչև 2025թ. ժամկետի համար ՀԱՊԿ ռազմավարությունը և հաստատվել է ՀԱՊԿ պետությունների համար ահաբեկչական կամ ծայրահեղական ճանաչված կազմակերպությունների ցուցակը: Նիստը ղեկավարել է Հայաստանի ԱԱԽ քարտուղար Արթուր Գևորգյանը, ով այդ պաշտոնում է նշանակվել հունիսի 6-ին: Նիստին մասնակցել է նաև ՀԱՊԿ գլխավոր քարտուղարը, ով նիստից հետո հայտարարել է, որ Հայաստանը կարող է արդիականացնել իր զինված ուժերը ՀԱՊԿ երկրներից արտոնյալ գներով զենք ձեռք բերելով: Հունիսի 8-ին ՀԱՊԿ ներկայացուցիչներին և կազմակերպության գլխավոր քարտուղարին ընդունել է ՀՀ նախագահը:

ՀՀ նախագահի հանդիպումը ՀԱՊԿ գլխավոր քարտուղարի և ՀԱՊԿ անդամ պետությունների ԱԱԽ քարտուղարների հետ

• Հունիսի 7-ին Բիշքեկում ԱՊՀ երկրների կառավարությունների ղեկավարները ստորագրել են 21 փաստաթուղթ, որոնցից մեկի համաձայն՝ ԱՊՀ երկրների զինված ուժերի համար Ռուսաստանի ԶՈւ հակաականային գործողությունների միջազգային կենտրոնում պատրաստելու են ականազերծման մասնագետներ:

• Ռազմինֆոն ուսումնասիրել է վերջին 10 տարիներին ԱՄՆ ՊՆ-ից Հայաստանի և Ադրբեջանի ստացած ռազմական օգնության չափերը և պարզել, որ Ադրբեջանը ստացել է մոտ 108 միլիոն դոլարի օգնություն, իսկ Հայաստանը՝ մոտ 7 միլիոն դոլարի:

• Հունիսի 8-9-ը ՀՀ արտակարգ իրավիճակների նախարարությունը Գյումրիում անցկացրել է 5 փրկարարական ջոկատների համատեղ վարժանք` ուժեղ երկրաշարժի սցենարով:

ՀՀ արտակարգ իրավիճակների նախարարության աշխատակիցները

• Հունիսի 10-ին ՀՀ ՊՆ տեղակալ – ՆՏԱ դեպարտամենտի պետ Մովսես Հակոբյանը հանդիպել է զինված ուժերի հնարավոր մատակարարների հետ և տեղեկացրել, որ նախարարությունը ներկայում միջոցներ է ձեռնարկում, որպեսզի հստակեցնի համագործակցության պայմանները:

• Հունիսի 8-ին ԵԱՀԿ առաքելությունը հայ-ադրբեջանական զինված ուժերի շփման գծի պլանային դիտարկում է անցկացրել Արցախի Կուրոպատկինո բնակավայրի արևելյան ուղղությամբ: Դիտարկման ընթացքում կրակոցներ չեն արձանագրվել:

• Հունիսի 7-10-ը բազմազգ գնահատման խումբը Վիեննայի 2011թ. փաստաթղթի շրջանակներում գնահատման այց է իրականացրել ՀՀ ՊՆ զորամիավորումներից մեկում և արձանագրվել է, որ Հայաստանը լիարժեք կատարում է ստանձնած պարտականությունները:

• Հունիսի 10-ին ՀՀ ՊՆ-ում քննարկվել են զինված ուժերում 2016թ. առաջին ուսումնական փուլի ավարտի ամփոփիչ ստուգումների նախապատրաստումը։ Իսկ զինված ուժերի ուսումնական զորամասերում ամփոփիչ ավարտական քննություններն արդեն սկսվել են։

Ֆիզպատրաստության ստուգում ուսումնական զորամասերի մեկում

• Հունիսի 6-ից 10-ը Հայաստանում է եղել ՆԱՏՕ-ի շարժական ուսումնական խումբը, որի անդամները ՀՀ ՊՆ ռազմական ոստիկանության պետի հետ քննարկվել են երկկողմ համագործակցության հեռանկարները:

• Հունիսի 10-ին Հայաստանում հավատարմագրված ռազմական կցորդներն այցելել են ՀՀ ՊՆ 3-րդ բանակային կորպուսի զորամասերից մեկը:

• ՀՀ ՊՆ ռազմական ինստիտուտի կուրսանտների մեղադրանք է առաջադրվել տաքսու վարորդի նկատմամբ ավազակային հարձակում կատարելու համար:

• ՀՀ ԶՈւ 6 զինծառայողի մեղադրանք է առաջադրվել՝ վաշտի հրամանատար, կապիտան Կ.Խաչատրյանի նկատմամբ բռնություն գործադրելու համար։

Հայաստանի նախորդ ռազմաշաբաթն այստեղ։