Ռուսական բանակը կզինվի «Տորնադո» համազարկային կրակի համակարգերով մինչև 2015 թվականը

Մինչև 2020 թվականը ՌԴ ԶՈՒ վերազինման 2,6 տրիլիոն ռուբլի արժողությամբ պետական ծրագրի շրջանակներում Ռուսաստանի ցամաքային զորքերի (ՑԶ) հրթիռահրետանային ստորաբաժանումները մինչ 2015 թվականը կզինվեն համազարկային կրակի «Տորնադո-Գ» և «Տորնադո-Ս» տիպի նորագույն համակարգերով: Դրանից զատ հետախուզական ստորաբաժանումները կհամալրվեն անօդաչու սարքերով, «Ռիս» և «Տիգր-Մ» տիպի զրահամեքենաներով, ՀՕՊ ստորաբաժանումները կզինվեն հեռահար զենիթահրթիռային, միջին և փոքր հեռահարությամբ շարժական զենիթահրթիռային համակարգերով, ցամաքային զորքերը կստանան ժամանակակից մարտական հանդերձանք: Այդ մասին հայտնել է ՌԴ ՑԶ գլխավոր հրամանատար գեներալ-գնդապետ Վլադիմիր Չիրկինը:

Նրա խոսքով՝ համաբանակային և տանկային ստորաբաժանումները արդեն զինված են արդիականացված T-72Բ1(2) և ԶՓԿ-82Ա զրահատանկային տեխնիկայով:

Նշենք, որ ավելի վաղ ՌԴ պաշտպանության նախարար Անատոլի Սերդյուկովը հայտարարել էր, որ ՌԴ Պն-ն «Տորնադո» տիպի 60 մեքենաների ձեռքբերման պայմանագիր է կնքել:

ՌԴ ՊՆ տվյալներով՝ 122 մմ տրամաչափի «Տորնադո-Գ»-ն նախատեսված է հակառակորդի բաց և փակ կենդանի ուժի, զրահատեխնիկայի, հրետանային և ականանետման մարտկոցների, հրամանատարական կետերի ոչնչացման համար:

One response to “Ռուսական բանակը կզինվի «Տորնադո» համազարկային կրակի համակարգերով մինչև 2015 թվականը

  1. Pingback: Մինչև 2020 թվականը՝ ավիացիոն 14 բրիգադ ՌԴ ցամաքային զորքերում | Ռազմ.info

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *