Ինգուշեթիայի ուժայինները ձերբակալել են մի քաղաքացու, ում կասկածում են «Իսլամական պետություն» ահաբեկչական խմբավորմանն ակտիվորեն հարելու ու զինված խմբավորման ստեղծման մեջ: Այս մասին հունիսի 9-ին հայտնում է ռուսաստանյան «Կովկասյան հանգույց» լրատվական կայքը՝ հղում անելով Ինգուշեթիայի դաշնային անվտանգության ծառայությանը:
ՌԴ ուժայիններ։ Նկարը՝ ՌԴ ազգային հակաահաբեկչական հանձնաժողովի
Նշվում է, որ զինված անօրինական խմբավորումների աշխատանքը խափանելու համար կատարված հատուկ գործողության ժամանակ ձերբակալվել է Սունժենսկի շրջանի բնակիչ, 1994 թվականին ծնված Զելիմխան Ամրիևը:
Ռուսաստանյան «ՌԻԱ Նովոստի» լրատվական գործակալությունն էլ հաղորդում է, որ ձերբակալվածը Սունժենսկի շրջանում զինված խմբավորման ակտիվ անդամ է եղել, հավատարմության երդում է տվել «Իսլամական պետություն» ահաբեկչական խմբավորմանը:
Ձերբակալման ընթացքում Ամրիևի մոտ հայտնաբերվել է ինքնաշեն նռնակ: Դեռևս քրեական գործ չի հարուցվել:
Տեղեկացնենք, որ Հյուսիսային Կովկասը, այդ թվում նաև՝ Ինգուշեթիան, ահաբեկչական, ինչպես նաև զինված ընդհարումների կենտրոն է դարձել, որի դեմ փորձում են պայքարել Ռուսաստանի իշխանությունները։
Pingback: Ինգուշեթիայում ձերբակալվել են «Իսլամական պետությանը» հավատարմության երդում տված զինյալների | Ռազմ.info