Ռուսաստանը նոր տիպի ռազմանավ կփորձարկի Կասպից ծովում

«Գրադ Սվիյաժսկ» նոր շարքի առաջին փոքր հրթիռային ռազմանավը Կասպյան նավատորմում պետական փորձարկումներ կանցնի 2013 թ. սկզբին: Այդ մասին այսօր հայտնել է ՌԴ Հարավային ռազմական շրջանի մամուլի ծառայության պետ գնդապետ Իգոր Գորբուլը:
Նրա խոսքով՝ ներկայումս ընթանում են նախապատրաստական աշխատանքներ եկող տարվա փորձարկումների համար:
Նոր ռազմանավը կառուցվում է 2010 թվականից՝ «Զելենոդոլսկի նախագծային-կոնստրուկտորական բյուրո» ԲԲԸ կողմից: «Գրադ Սվիյաժսկ» սերիայի նավերը բազմանպատակ են, «գետ-ծով» տիպի։ Համալրվում են հրետանիով, հակադիվերսիոն, ՀՕՊ, ռադիոտեխնիկական, հրթիռային համակարգերով, այդ թվում՝ մեծ հեռահարության «Կալիբր-ՆԿ» հրթիռային համակարգերով: Նոր ռազմանավերը նախատեսված են «ՌԴ տնտեսական գոտու անվտանգության ապահովման համար»:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *