Հունիսի 7-ին Ռուսաստանի նախագահի մամուլի քարտուղար Դմիտրի Պեսկովն անդրադարձել է Լեհաստանում մեկնարկած լայնամասշտաբ «Anakonda-2016» զորավարժությանը, նշելով, որ «ՆԱՏՕ-ի զորավարժությունը Լեհաստանում չի նպաստում վստահության մթնոլորտին և անվտանգությանը»: Այս մասին Պեսկովը հայտնել է լրագրողների հետ հանդիպմանը, հաղորդում է ռուսաստանյան «ՌԻԱ Նովոստի» լրատվական գործակալությունը:
«Anakonda-2016» զորավարժության բացման արարողությունը
Նկարը՝ ԱՄՆ բանակի պաշտոնական կայքի
Հունիսի 7-ին իր հերթին զորավարժությանն ու ՆԱՏՕ-ի քայլերին անդրադարձել է նաև Բելառուսի նախագահ Ալեքսանդր Լուկաշենկոն: Վերջինս հայտարարել է, որ Ռուսաստանն ու Բելառուսն ադեկվատ են պատասխանում «Միութենական պետության» (խոսքը Ռուսաստան-Բելառուս միացյալ պետության մասին է — Союзное государство) սահմանին ՆԱՏՕ-ի ամրապնդմանը:
«Ռուսաստանցիները հաճախ են ասում, որ Ռուսաստանի Դաշնության սահմաններին տեղակայվում են ՆԱՏՕ-ի նոր զորախմբեր: Հարկ է նշել, որ առաջին հերթին մեր՝ բելառուսական սահմաններին: Մենք սա տեսնում ենք և առանց որևէ աղմուկի համարժեք միջոցներ ենք ձեռնարկում», — ասել է Լուկաշենկոն, հաղորդում է բելառուսական «ԲԵԼՏԱ» լրատվական գործակալությունը:
Բելառուսի նախագահը հավելել է նաև, որ արևմուտքում իրենք ունեն համատեղ զորախումբ, որը հարկ եղած դեպքում առաջինն է մարտի բռնվում, ինչի ընթացքում այդտեղ են տեղափոխվում Ռուսաստանի արևմուտքում կենտրոնացած զորախմբի մյուս մասը:
«Anakonda-2016» զորավարժության բացման արարողությունը
Հավելենք, որ հունիսի 6-ին Լեհաստանում մեկնարկել է ՆԱՏՕ-ի «Anakonda-2016» լայնամասշտաբ զորավարժությունը, որին մասնակցում է շուրջ 31 հազար զինծառայող, որից 12 հազարը Լեհաստանի զինված ուժերից: Վարժանքները տևելու են մինչև հունիսի 17-ը: Վարժանքներին ներգրավված է նաև 3000 միավոր զինտեխնիկա, 105 միավոր ինքնաթիռ, 12 նավ: Զորավարժության հրամանատարը Լեհաստանի զինված ուժերի օպերատիվ հրամանատարության հրամանատար, գեներալ-լեյտենանտ Մարեկ Տոմաշևսկին է:
Լեհաստանի պաշտպանության նախարարը զորավարժության պաշտոնական բացմանը
Նկարը՝ ԱՄՆ բանակի Stars and Stripes պաշտոնաթերթի կայքի
Զորավարժությանը ներգրավված տեխնիկան
Նկարը՝ ԱՄՆ բանակի Stars and Stripes պաշտոնաթերթի կայքի
Pingback: Ռուսաստանի զինված ուժերում հանկարծակի ստուգումներ են սկսվել | Ռազմ.info
Pingback: ՌԴ պաշտպանության նախարարը Ղրիմում ստուգելու է ռազմական ենթակառուցվածքների կառուցման ընթացքը | Ռազմ.info