Հյուսիսային Կովկասի նորությունները. 28 սեպտեմբերի. թարմացվող լրահոս

Անցյալ գիշեր՝ ժամը 00:20-ի սահմաններում, Դաղստանի Սերգոկալինի շրջանի Բուրդեկի բնակավայրում օպերատիվ-հետախուզական գործողությունների ընթացքում դաշնային ուժային կառույցների ներկայացուցիչները հայտնաբերել են զինյալի, ով կրակել է իրենց ուղղությամբ և սպանվել պատասխան կրակից:
Սպանվածը Հասանբեկ Մուրտուզովիչ Իսլամովն է, ով այդպես կոչված «Սերգոկալինյան» խմբավորման վերջին անդամն էր և ներգրավվել էր խմբում 2010 թվականի ապրիլից: Իսլամովը, ինչպես հայտնում են ՌԴ ազգային հակաահաբեկչական կոմիտեի մամլո ծառայությունից, մասնակից էր 2010 թվականի մայիսին Դաղստանում բջջային կապի օպերատորի աշտարակի վնասման, ապա դեպքի վայր ժամանած ՕՄՕՆ-ի գնդակոծման, իսկ 2011 թվականին՝ Սերգոկալինի շրջանի ներքին գործերի բաժնի պետի սպանության գործերին:
Այդ մասին հայտնում են ՌԴ ՆԳՆ մամլո ծառայությունից: